I. S. Sodiqov avtomobil yo‘llarining transport-ekspluatatsion ko‘rsatkichlari toshkent

Yo‘l to‘shamalari xizmat qilish muddatini prognozlash

Amaliyotda, avtomobil yo‗llarini ekspluatatsiyasi vaqtida kuzatish to‗g‗risidagi ma‘lumotlarni statistik qayta ishlash natijalari bo‗yicha aniqlanadigan, hisobiy va me‘yoriy, shuningdek real (haqiqiy) xizmat qilish muddatini ajratish kerak.
Yo‘l to‘shamasining hisobiy xizmat qilish muddati - yo‘l to‘shamasining ta’mirlashlararo xizmat muddati - foydalanish shartlari bo‘yicha(harakat jadalligi va tarkibi hisobga olingan holda) chegaraviy yo‘l qo‘yilgan darajagacha yo‘l to‘shamasi konstruksiyasi mustahkamligining pasayishi yuz beradigan davrdagi kalendar muddat.
Yo‘l qoplamasining hisobiy xizmat muddati - yedirilish qatlami yoki himoya qatlamining g‘adir-budirligini qayta tiklash (yoki yangidan qurish) talab qilinadigan darajagacha qoplama yuzasining ravonligi, ilashish sifatlari pasayadigan yoki yo‘l qo‘yiladigan chegaraviy qiymatgacha qoplamaning eyilishi ko‘payadigan kalendar muddat.
Me’yoriy ta’mirlashlararo xizmat muddati - bu yo‘lning transport, transport va transportdan tashqari harajatlarining eng kam miqdorini ta’minlaydigan, hisobiy xizmat davrining taxminiy muddatiga teng bo‘lgan iqtisodiy jihatdan samarali vaqt davri.
Bikr yo‗l to‗shamasi uchun, loyihalash paytida konstruksiyaning qabul qilingan loyihaviy xizmat qilish muddatiga muvofiq, ta‘mirlashlararo xizmat qilish muddati 25 yilga teng bo‗lishi kerak.
Yo‗l to‗shamasining qoldiq xizmat qilish muddati - bu avtomobil yo‗lni kapital ta‘mirlashga qadar prognoz qilingan vaqt. Bikr yo‗l to‗shamalarining qoldiq xizmat qilish muddatini baholashning asosiy maqsadlari:

• 
  yo‗l konstruksiyalarining xizmat muddati va ishonchliligini ta‘minlash uchun yo‗llarning holatini boshqarish bo‗yicha qarorlar qabul qilish strategiyasini ishlab chiqish;
  
• 
  profilaktika ishlarini samarali o‗tkazish uchun vaqtni aniqlash;
  
• 
  zarur tashkiliy, texnik va diagnostika tadbirlarini belgilash.
  

Yo‗l to‗shamasining hisobiy resursi va yo‗l to‗shamasining qoldiq resursi asosiy tushunchalardir. Hisobiy resurs deganda, yo‗lning to‗shamasida hisoblangan (ta‘mirlararo) xizmat muddati uchun mo‗ljallangan yuklarning qo‗yilishining umumiy miqdori tushuniladi, qoldiq resursi - bu joriy ekspluatatsiya qilinayotgan vaqtdan boshlab yo‗l to‗shamasi konstruksiyasi chegaraviy holatga kelgunga qadar (kapital ta‘mirlashga muhtoj) taxmin qilingan yuklar qo‗yilishning umumiy soni.