I. Og‘zaki nutq: Tarix va zamonamiz. Ulug’ ajdodlar. Intellektual yoshlar – kelajak podevori. ▲ 1-topshiriq

YOSHLAR — VATANNING QANOTLARI

O‘zbekistonning kelajagi yorug‘, ertasi porloq. Uning oltin kaliti yoshlar qo‘lida. Ular shu kalit yordamida yo‘llaridagi muammolarni yechib keta­veradilar. Xalqimiz dilbandlari bugun dunyoning eng taraqqiy etgan go‘sha­larida ta’lim olib kelmoqdalar. Fan-texnika, ilm sirlarini o‘rganib yurti­mizni obod qilish yo‘lida fidokorona mehnat qilmoqdalar. Ishona­mizki, yoshlarimiz o‘zlarining zimmasiga yuklangan vazifani sharaf bilan ado etadi, O‘zbekistonni rivojlangan mamlakatlar qatoriga olib chiqadi.

O‘zbekistonni o‘zbek xalqi o‘z mehnati, aql-idroki bilan yaratgan! O‘zbe­kistonni mo‘jizalar diyori, jannatdek mamlakat deydilar. Bu go‘zal Vatan osmondan tappa-tayyor holda o‘zicha yerga tushib qolmagan. U tinim­siz xatti-harakat va fidokorona mehnat ila, xalq dahosi ila bunyod etilgan.

O‘zbek xalqi azaldan o‘z Vataniga — O‘zbekistoniga, Turkistoniga, Turoniga ega bo‘lgan, hech qachon bevatan bo‘lgan emas. Vatanparvarlik, fidokorlik xalqimizning qon-qoniga singib ketgan xislatlardan sanaladi.

II. Grammatika: Qo’shma va juft so’zlar imlosi. Ma’nodosh so’zlar va ularning qo’llanilishi.

Qo’shma so’zlar. Bunda ikkita so’z ma’no jihatidan birikkan bo’lib yaxlit holda bir ma’noni ifodalaydi: tomorqa, borib keldi. Ikki yoki undan ortiq mustaqil ma’noli so’zlarning o’z ma’no mustaqilligini saqlagan holda umumlashib, yaxlit bir ma’noni ifodalashi qo’shma so’z deyiladi.