I кириш мавзу: Таълим тизимини бошқариш асослари фанининг мазмун – моҳияти ва аҳамияти

2. Бошқарувчининг одоби, ахлоқи ва муомала маданият.
Раҳбарнинг услуби ва маданийлиги унинг ўз қўл остидагилар билан бевосита алоқасида, буларнинг ўзаро муносабатларида таркиб топади. Раҳбарлик муносабат учун демократизм, жамоатчилик, юксак жавобгарлик ва сиёсий онглилик, ташаббускорлик каби ақидалар хосдир.
Раҳбар педагоглар жамоасида ўртоқларига муносабатларини шакллантириш учун жавобгардир.
Бошқарувчининг маданияти бу ишга нисбатан бўлган муносабати деб тушунамиз. Тизимни бошқариш учун биз биламизки, раҳбар: Ички тартибини ташкил қилишда тўғриликка эътибор бериши; режалаштиришни тўғри йўлга қуйилса; барча ишларни бажарувчи тартибга солинса; ҳар қанча камчиликларни вақт – вақтида бартараф этса муамола маданият ўзидан – ўзи тўғри йўлга тушиб кетаверади.
Ўтган мавзуларда яхши биламизки, бошқарув иш фаолиятини тўрт босқичга ажратиб қўйдик. Ўшанга ўхшаган раҳбарлик маданият ҳам ҳар хил хусусиятларга эгадир.
Таълим муассасалари ишини бошқаришда ҳуқуқ ва этика мезонлари асосий роль ўйнайди. Раҳбарлар бу икки мезонга тўлиқ амал қилишлари лозим. Улар ўз раҳбарлик ишларида ҳуқуқ ва этикани гуманизм мулойимлик ўзаро ёрдам каби мезонларига таянадилар.
Бошқарувчи устоз сифатида жамоа ишида ўқув тарбия жараёнини ташкил қилишда педагогик маҳоратини кўрсатиши зарур. Ана шунинг учун ҳам муассаса ишини бошқариш тизимида раҳбарлик услуби ва маданиятини тўғри ташкил қилиш ва уни мунтазам равишда такомиллаштириб бориш зарур.
Таълим муассасаларда таълим - тарбия ишларининг самарадорлиги квп жиҳатдан бошқарувчиларнинг қўл остидагилар билан муомала одобига, раҳбарлик қилиш маданиятига боғлиқ эга бўлиши керак.
Бошқарувчининг шахсияти-унинг фазилати ва обрў-эътибори ҳисобланади, мактаб ва ўрта - махсус таълим муасасаси директорининг муҳим фазилати унинг яхши ўқитувчи ва методист бўлишидадир. Мактаб ва ўрта махсус таълим муассасаси директори иш фаолиятида ўқитувчилар ва ўқувчилар жамоасининг дилкаш мураббийси бўлиши керак. Директорлик фазилат ва истеъдодни ҳеч бир олийгоҳ тарбияламайди. Уни ҳаётнинг ўзи, табиат ва жамиятни кузатиш нуқтаи назарида тарбиялайди.