I karimov nomidagi toshkent davlat texnika universiteti olmaliq filiali

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
I.KARIMOV NOMIDAGI TOSHKENT DAVLAT TEXNIKA UNIVERSITETI OLMALIQ FILIALI
Iqtisodiy va umumkasbiy fanlar kafedrasi
“Korxona iqtisodiyoti va menejmenti” fanidan


MUSTAQIL ISH

Mavzu: Mahsulot assortimenti, baholash, mahsulot sotish va taqsimlashni boshqarish

Bajardi: 11a-17 KT guruh talabasi Pardayeva Kumush
Tekshirdi: katta o’qituvchi Xasanova X.
2021
Mahsulot assortimenti, baholash, mahsulot sotish va taqsimlashni boshqarish
Reja:

Kirish.
Asosiy qism
1. Mahsulot(ish, xizmat) ishlab chiqarish ko’rsatkichlari tahlilining
mazmuni, vazifalari va axborot manbalari
2. Mahsulot ishlab chiqarish hajmini ifodalovchi ko’rsatkichlar tizimi va
ulardan tahlilda foydalanish
3. Mahsulot (ish, xizmat)lar nomenkulaturasi va assortimentining tahlili
4. Mahsulot ishlab chiqarish maromiyligining tahlili
5. Mahsulot sifatining tahlili. Sotish hajmini oshirish imkoniyatlarini jamlash
Xulosa
Adabiyotlar ro’yhati

Kirish
Iqtisodiyotni erkinlashtirish sharoitida korxona ishlab chiqarishi ko’zda tutgan
mahsulotlar hajmi iste’molchilarning ko’lami hamda korxona ichki imkoniyatlari
bilan uzviy bog’liqdir. Ayniqsa, mahsulotlar ishlab chiqarish uchun zarur bo’lgan
boyliklarning chegaralanganligi mo’l-ko’l tovarlar yaratishni ham chegaralaydi.
Bunday sharoitda korxona o’z ichki imkoniyatlaridan kelib chiqqan holda
mahsulotlar ishlab chiqarish hajmini to’g’ri belgilay olishi muhim ahamiyatga
egadir.
Korxona yaratayotgan mahsulotlarining bozorda mo’l-ko’lligi,
raqobatchilarning imkoniyatlari va iste’molchilarning ixtisoslik tovarlarga bo’lgan
talablarining o’zgarib turishi ishlab chiqarish hajmini to’g’ri va oqilona
rejalashtirishni talab etadi. Har bir korxona ishlab chiqaradigan mahsulotlarining
xaridorlari bilan joriy yil uchun shartnomaviy majburiyatlar tuzadilar. Bunda
yetkazib berilishi lozim bo’lgan tovarlar turi, miqdori, sifati, narxi va muddatlari
tomonlar o’rtasida kelishiladi. Demak, mahsulotlarning ishlab chiqarish hajmi
iste’molchilarning talab va istaklariga bog’liq bo’ladi.
Ichki imkoniyatlarni e’tiborga olgan holda korxonadagi barcha mavjud
boyliklardan to’liq foydalanib, mahsulotlar ishlab chiqarish hajmini kerakli
me’yorda, ya’ni foyda olishni to’liq kafolatlangan sharoitni ta’minlashni ko’zda
tutib ishlab chiqarishni tashkil etiladi.