I қисм. Машинасозлик технологияси асослари I боб. Машиналарни ишлаб чиқариш

Синов саволлари

1. 
   Шатунларнинг вазифаси, уларга қўйилган талаблар, материаллари.
   
2. 
   Шатун каллакларининг торец сиртларига қандай кетма-кетликда ишлов берилади?
   
3. 
   Шатуннинг базавий сиртларига қандай ишлов берилади?
   
4. 
   Шатуннинг каллакларидаги тешикларига қандай ишлов берилади?
   
5. 
   Шатун оғирлиги бўйича қандай мувозанатланади?
   
6. 
   Шатуннинг қайси параметрлари назоратдан ўтказилади?
   
7. 
   Поршеннинг вазифаси, уларга қўйилган талаблар ва материали.
   
8. 
   Поршеннинг асосий конструктив элементлари нима?
   
9. 
   Поршенга ишлов беришда қандай базалардан фойдаланилади?
   
10. 
    Поршен заготовкаси қандай марказлаштирилади?
    

ХХII боб. Тишли /илдиракларга механик ишлов беришнинг технологик жараёнлари

Тишли ғилдираклар цилиндрик, конуссимон ва червяклиларга бўлинади.

Цилиндрик ва конуссимон тишли ғилдираклар ички диаметрининг ўлчами бўйича қуйидаги гуруҳларга бўлинади: 50 мм гача, 50 мм дан 200 мм гача, 200 мм дан 300 мм гача, 300 мм дан юқори. Тишли ғилдираклар технологик белгилари бўйича қуйидагиларга бўлинади: а) силлиқ ва шлицали тешикли, поғонасиз ва поғонали цилиндрик ва конуссимон (22.1-расм, а); б) силлиқ ва шлицали тешикли, кўп чамбаракли блокли (22.1-расм, б); в) фланец туридаги цилиндрик, конуссимон ва червякли (22.1-расм, в); г) думли цилиндрик ва конуссимон (22.1-расм, г).

22.1-расм. Тишли ғилдиракларнинг асосий гуруҳлари: а-силлиқ ва шлицали тешикли, поғонасиз ва поғонали цилиндрик ва конуссимон; б-силлиқ ва шлицали тешикли, кўп чамбаракли блокли; в-фланец туридаги цилиндрик, конуссимон ва червякли; г-думли цилиндрик ва конуссимон

Кичик ўлчамдаги червякли ғилдираклар яхлит, поғонали қилиб, катта ўлчамдагилари эса чамбаракли қилиб тайёрланади.

Тишли ғилдиракларнинг материаллари ғилдирак узатадиган кучга қараб танланади.
Кучсиз юкланган тишли ғилдираклар кам углеродли пўлатлардан, чўянлардан ва пластмассалардан тайёрланади.
Червяклар учун материал сифатида кам углеродли ва легирланган пўлатлар хизмат қилади. Червякли ғилдираклар бронза, антифрикцион чўян ва бошқалардан тайёрланади.