I қисм. Машинасозлик технологияси асослари I боб. Машиналарни ишлаб чиқариш

22.3. Тишли ғилдиракка ишлов беришнинг технологик усуллари

Тишли ғилдиракларга ишлов беришнинг технологик жараёни характерига таъсир қилувчи асосий омиллар бўлиб қуйидагилар ҳисобланади: тишли ғилдирак конструкцияси ва ўлчамлари; тайёрланманинг тури ва материали; ғилдиракнинг аниқлигига ва термик ишлов бериш сифатига қўйилган талаб; йиллик ишлаб чиқариш режаси.
/илдиракнинг конструкцияси ишлов бериш кетма-кетлигига ва зарур бўладиган жиҳозларни танлашга катта таъсир қилади.
Турли шаклли: чамбаракли, поғонали ва валикли (думли) конуссимон тишли ғилдиракларга ишлов бериш технологик маршрутини кўриб чиқамиз. Чамбаракли тишли ғилдиракларга барча дастлабки ишлов бериш уч кулачокли патронда, махсус кулачок билан ғилдиракнинг конуссимон сирти бўйича қисиб олиб амалга оширилади.
Поғонали тишли ғилдираклар, одатда, ишлов беришнинг бошланғич даврида қисқичда ишлов берилади, валикли тишли ғилдираклар эса марказларда ишлов берилади.
/илдирак конструкцияси тиш кесиш усулига таъсир қилади. Масалан, блокли ғилдиракнинг чамбарагидаги иккита тишлари орасидаги масофа кичик бўлса, тиш ўйиш дастгоҳларида ғилдиракнинг чамбаракларига ишлов берилади, агар чамбараклари орасидаги масофа кичик бўлса, тишларни фрезалаш усули қўлланилади. Бу пардозлаш операцияларига - тишларни жилвирлаш ва шевинглашга ҳам бир хил даражада тегишли.
Тишли ғилдирак заготовкаларининг ўлчамлари ва тури уни револьверли токарлик дастгоҳлари ёки автоматларда чивиқдан тайёрлаш имконини белгилайди.
Ташқи диаметри 50-55 мм ва ундан катта бўлган тишли ғилдираклар поковка ва штамповкалардан патрон туридаги дастгоҳларда тешикларга дастлаб ишлов бериб тайёрланади.
Поғона узунлиги l тешик диаметри d га нисбати бирга тенг ёки катта бўлса (l/d 1), токарлик ишлов беришни кўп кескичли токарлик ярим автоматларнинг қисқичида бажарса бўлади.
Нисбат l/d<1 бўлса, токарлик ишлов беришни патрон туридаги револьверли дастгоҳларда ёки вертикал токарлик ярим автоматларда бажариш мумкин.
Тишли ғилдиракларга ишлов бериш технологик жараёнининг характери тишли ғилдирак аниқлигига, сирт сифатига ва термик ишлов беришга қўйилган талабга боғлиқ. Ушбу омилларнинг аҳамиятига қараб тегишли технологик жараён ишлаб чиқилади.
Тишли ғилдирак тайёрлаш технологик жараёнини тўртта асосий босқичга бўлиш мумкин:
а) заготовкага заготовка ва тоза ишлов бериш; б) тишларни кесиш; в) термик ишлов бериш; г) термик ишлов берилгандан кейинги пардозлаш ва якунловчи операциялар.