I bob. Maktab o’quv qurollari va ularning tasnifi

Tasvirli qo‘llanmalarning asosiy turlari. Rasmlar. Rasm darsda bilim manbalaridan biri bo‘lib xizmat qiladi, shu sababdan o‘rganiladigan ob’ekt va hodisalarni ko‘rib tasavvur qilishda rasmlarning ahamiyati kattadir. Rasmlar joyning asosiy xususiyatini ochiq va ravshan ko‘rsatib beradi. Rasmda tasvirlangan tabiiy geografik ob’ekt va protsesslar (vulkan otilishi, tabiat zonasiniig landshafta) mushohada qilinadi. Bunda o‘qituvchi bir necha savollar berib o‘quvchilar z’tiborini rasmning asosiy qismiga tortadi. Rasmni karta bilan bog‘liq holda o‘rganish va undagi tasvirni kartadan topish o‘quvchilarni rasm bilan kartani birga qo‘shib o‘rganishlariga yordam beradi. Rasmda ko‘rilgan hamma narsa umumlashtiriladi. Bundan tashqari, rasm yangi bilimlarni o‘rganishda, bu bilimlarni mustahkamlash va takrorlashda alohida ahamiyat kasb etadi. Darsni yangi materialga tegishli rasmlarni tahlil qilishdan boshlash ham mumkin.