I bob. Maktab o’quv qurollari va ularning tasnifi

Uquv ko‘rsatmali qo‘llanmalar. Uquvko‘rsatmali qo‘llanmalardan o‘rganiladigan hodisa va ob’ektlar haqida aniq tasavvur hosil qilish maqsadida asosiy bilim manbalaridan biri sifatida foydalaniladi. Bu o‘quvchilarniig geografik
qonuniyatlarni yaxshi tushunishiga va kuzatish qobiliyatining o‘sishiga yordam beradi.

Uquvko‘rsatmali qo‘llanmalar xususiyatiga ko‘ra yana 4 ga bo‘linadi:

• kartografik qo‘llanmalar,

• tasvirli qo‘llanmalar,

• sxematik qo‘llanmalar,

• natural qo‘llanmalar.

Kartografik qo‘llanmalar. Erning tasvirini (tabiiy geografik ob’ekt va odisalar, ularning joylanishini) shartli kichraytirilgan holda va muayyan kartografik proeksiyada ifodalaydi. Kartografik qo‘llanmalar topografik, umumgeografik, maxsus kartalarni, geografik atlaslarni, blankali va kontur kartalarni, globusni o‘z ichiga oladi.

Tasvirli qo‘llanmalar geografik ob’ekt va hodisalarning haqiqiy ko‘rinishini tasvirlaydi. Tasvirli qo‘llanmalar bilimlarni o‘rganishda aniq taassurot qoldirishi tufayli bilimlar puxta o‘zlashtiriladi. Tasvirli qo‘llanmalar turli
rasmlarni, fotosurat, ekranli qo‘llanma (diapozitiv, diafilm, kinofilm), diorama, panorama, model va maketlarni o‘z ichiga oladi.