I bob. Jahon adabiyotida e. Xemingueyning o ‘rni va uning o‘zbek adabiyotida o‘rganilish

MUNDARIJA

KIRISH………………………………………………………………
I BOB.JAHON ADABIYOTIDA E.XEMINGUEYNING O ‘RNI VA UNING O‘ZBEK ADABIYOTIDA O‘RGANILISH………….
I.1 "Ernest Xemingueyning hayoti va ijodi bosqichlari………..
I.2 Ernest Xemingueyning jaxon adabiyotida tutgan o‘rni va o‘zbek adabiyotida o‘rganilishi ………………………………..
II.BOB. E.XEMINGUEYNING URUSH MAVZUSINI YORITISHDAGI MAHORATI………………………………..
II.1. ,,Alvido qurol” romanida urush mavzusi………………….
II.2. Romanda yozuvchi badiiy mahoratining aks etishi……….
III.BOB. TA’LIM TIZIMIDA E.XEMINGUEY ASARLARINI O‘RGANISH…………………………………………………..
III.1. E.Xeminguey asarlarini o‘qitishga doir ta’lim texnologiyalari
XULOSA………………………………………………………..
Foydalanilgan adabiyotlar ro‘yxati……………………………..

KIRISH
Mavzuning dolzarbligi:Mamlakatimizda ro‘y berayotgan iqtisodiy,ijtimoiy va madaniy hayotidagi tub sifat o‘zgarishlari xalqimiz ma'naviyatining asosi bo‘lgan adabiyotimizga ham bevosita daxldordir.
Adabiyot esa hamma davrlarda bo‘lganidek ertangi kunning egasi bo‘lgan yoshlar tarbiyasining asosiy o‘zagi hisoblanadi.Shu sababli el-yurt taqdirining kelajagiga ishonch bilan qaragan Prezidentimiz yosh avlod tarbiyasiga ishonch bilan qarar ekan: "Bugungi kunda mustaqil fikrlaydigan,zamonaviy bilim va kasb hunarni egallagan,mustahkam hayotiy pozitsiyaga ega bo‘lgan yoshlarni tarbiyalsh " ga alohida e'tibor bilan qaramoqda.1
Jismonan baquvvat, ma'naviy yetuk yosh avlod bugungi globallashuv davrida jaxon xalqlarining ma'naviy dunyosi, jumladan adabiyoti bilan ham yaqindan tanish bo‘lmog‘i lozim.
XX asr jaxon adabiyoti darg‘alaridan biri bo‘lgan Ernest Xeminguey ijodi o‘zbek kitobxonlari uchun begona emas. Adibning bir qator asarlari,jumladan "Chol va dengiz" "Alvido qurol" romanlari o‘zbek tiliga tarjima qilinib xalqimizning sevimli asarlari qatoridan joy olganini ham ta'kidlab o‘tish lozim. Ayniqsa,adibning "Alvido qurol" asari dunyo xalqlarining boshiga tushgan eng fojiali davr urush mavzusiga bag‘ishlangan. To‘g‘ri, Ernest Xemingueygacha ham urush mavzusida o‘nlab asarlar yaratilgan,lekin, adib ulardan farqli ravishda urushda g‘oliblar bo‘lmasligini,urush barcha xalqlar uchun chinakam ofat ekanligini "Alvido qurol" romanida yaqqol badiiy ifodalab bera olgan. Adabiyotning doimiy mavzularidan
biri bo‘lgan urush mavzusini boshqacharoq yozish Ernest Xemingueydan boshlandi. Mavzuning dolzarbligi ham shu mavzuga munosabatda nomoyon bo‘ladi.
1SH.Mirziyoyev.” Buyuk kelajagimizni mard va oliyjanob xalqimiz bilan quramiz Toshkent “O‘zbekiston 2017