I bob. Ishchi kuchiga sarflanadigan xarajatlarni nazariy asoslari

4-jadval
Ishning murakkablik darajasiga doir koeffitsientlar²⁰

Т/Р	Lavozimlar nomi	Murakkablik darajasi
1	Bo’lim boshlig’i	1,0
2	Boshliq o’rinbosari	0,93
3	Bosh mutaxassis	0,89
4	Yetakchi mutaxassis	0,8
5	I-toifali mutaxassis	0,68
6	II -toifali mutaxassis	0,57

Mehnat natijasi. Mehnat natijasini baholash uchun ishchining bajargan ishlarida quyidagi xususiyatlar inobatga olinishi zarur:

1. Bajarilgan ishlar soni tegishli bo’limda bir xodimga o’rtacha taqsimlangan ishlar soniga nisbatan aniqlanadi.
2. Bajarilgan ishlar sifati ishning puxtaligi, unga ijodiy jihatdan yondoshilgani va yangiliklarni qo’llash imkoniyatiga qarab aniqlanadi.
3. Ishning bajarilish muddati bilan aniqlanadi.
Mehnat natijasini baholashga yuqorida keltirilgan kasb mahoratini baholash uslubini qo’llaymiz.
Yuqorida keltirilgan mutaxassislar uchun baholash tizimini ma’muriy boshqaruv xodimlariga nisbatan ham qo’llash mumkin, bunda ularning mas’uliyat chegarasi, bajarayotgan ishlari, qaror qabul qilish darajasini inobatga olish lozim. Davlat boshqaruv organlari mutaxassislari ishini maxsus komissiya yoki kadrlar bo’limi baholaydi. Mazkur baholashni har bir boshqaruv organi yil davomida 2 marotaba o’tkazishi mumkin. Lavozimlar bo’yicha ish haqini ma’lum bir testlar asosida amalga oshiriladigan attestatsiya natijalaridan kelib chiqqan holda tarif “vilkasi”sining yuqori, o’rta va pastki oraliqlarida mutanosib ravishda o’rnatish lozim.