I bob. Iqtisodiyotni modernizatsiya qilish sharoitida ko‘p tarmoqli fermer xo‘jaliklarining rivojlantirishning ustuvor yo‘nalishlari

6-rasm. Fermer xo‘jaligi raqobatbardoshlik afzalliklarining asosiy manbalari¹⁴
6-rasmdan ko‘rinib turibtiki, fermer xo‘jaligining raqobatbardoshlik afzalliklari moddiy va nomoddiy manbalari hisobidan shakllanadi. Hozirgi keskin raqobat sharoitida raqobatbardoshlik afzalliklarining yaxshi meliorativ holatidagi xo‘jalikning ekin erlari, ishchan mashina-traktorlari, barqaror moliyaviy mablag‘lari, yaxshi yo‘lga qo‘yilgan sug‘orish tizimi kabi moddiy manbalari bilan bir qatorda agroinnovatsiyalarni joriy etish, marketing usullarini qo‘llash, ilg‘or xorijiy tajribalarni o‘zlashtirish, menejment mahorati kabi raqobatbardoshlik afzalliklarining nomoddiy manbalarining xo‘jalikni samarali yuritishga ta’sir ko‘lami kengayib, ularning xo‘jalik nufuzini oshirishdagi roli kun sayin kuchayib bormoqda.

Bunday nomoddiy manbalaridan birini “fermer xo‘jaligining menejment tizimi” tashkil etadi.Ayniqsa fermer xo‘jaliklarni ko‘p tarmoqli turiga aylantirish sari fermerlarning menejerlik mahoratidan xo‘jalikning raqobatbardoshlik afzalligi bevosita bog‘liq bo‘lib qoladi. Menejerlik mahorati va ko‘nikmasiga ega bo‘lgan fermer ko‘p tarmoqli xo‘jaligini muvaffaqiyat bilan boshqarib,ham xo‘jalikka va ham davlatga ko‘proq naf keltirish imkoniga ega bo‘ladi, deb o‘ylaymiz.

III BOB. KO‘P TARMOQLI FERMER XO‘JALIKLARINING RIVOJLANISH DARAJASINING HOZIRGI HOLATI