I bob. Iqtisodiyotni modernizatsiya qilish sharoitida ko‘p tarmoqli fermer xo‘jaliklarining rivojlantirishning ustuvor yo‘nalishlari

5-rasm. Ko‘p tarmoqli fermer xo‘jaliklari raqobatbardoshligiga ta’sir o‘tkazadigan tashqi va ichki omillar¹²

Shuning uchun, raqobatbardoshlik doimiy holat bo‘lmasdan, vaqt o‘tishi bilan tashqi va ichki omillar (5-rasmga qarang) ta’siri hisobidan raqiblarga nisbatan afzallikni yo‘qotish xavfini tug‘dirib turadi.

Fermer xo‘jaligi raqobatbardoshligi xo‘jalik yurituvchi sub’ektning raqobat afzalliklarini shakllantirish, saqlab qolish va samarali foydalana olishga qaratilgan yashirin imkoniyatlarining ro‘yobga chiqarish shaklida namoyon bo‘ladi.Bunda raqobat afzalliklarining manbalari xo‘jalik yuritish sub’ektining resurslari va qobiliyatlaridan tashkil topadi¹³. Fermer xo‘jaligi qobiliyatlari birinchi navbatda, uni rahbarining menejerlik layoqatining rivojlanganlik darajasidan bevosita bog‘liqdir.