I-bob: biologiya darslarida ekskursiyalarni tashkil

6 - sinflar uchun mo‘ljallangan “O‘simliklar hayoti” ekskursiya 

 

mashg‘ulotining mazmuni 

 

“O‘simliklar  hayoti”ekskursiya  mashg‘uloti  kursini  o‘rganish  o‘quvchilarni 

o‘simliklarning hayotiy jarayonlari, yovvoyi va madaniy vakillarining xilma-xilligi, 

inson  hayoti  va  tabiatdagi  ahamiyati  bilan  tanishtirish,  tabiiy  biogeotsenozlardagi 

o‘zaro aloqalar haqidagi bilimlarni chuqurlashtirishga imkon beradi. 

 

O‘simliklarning  tarixiy  rivojlanishi,  o‘simlik  organizmining  hujayraviy 

tuzilishi  va  hayotiy  jarayonlarning  moddiy  asoslari  haqidagi  bilimlar 

o‘quvchilarning  ilmiy  dunyoqarashini  shakllantirish  uchun  asos  bo‘lib  xizmat 

qiladi. 

 

O‘simliklarning  tabiatdagi  va  inson  hayotidagi  ahamiyati,  inson 

faoliyatining  o‘simliklarning  alohida  turlariga  va  tabiiy  guruhlarning  yashash 

muhitiga ta’sirini o‘rganish o‘quvchilarni tabiatga ma’suliyat bilan munosabatda 

bo‘lish,  ularga  ekologik,  iqtisodiy,  estetik,  axloqiy  tarbiya  berish  imkonini 

yaratadi. 

 

O‘simliklarni  ekish,  parvarish  qilish  va  ko‘paytirishning  ilmiy  asoslari 

haqidagi  bilimlarni  kengaytirish  o‘quvchilarning  kasb  ta’limiga,  mehnat  va 

iqtisodiy tarbiyasini amalga oshirishga yordam beradi. 

 

Kurs  davomida  olib  borilgan  mashg‘ulotlar  o‘quvchilarning  nafaqat 

biologik  bilim,  ko‘nikma  va  malakalari,  balki  kuzatish  va  tajriba  o‘tkazish, 

amaliy va o‘quv mehnati ko‘nikmalarining rivojlantirishga zamin yaratadi. 

 

Kursning  mazmuni  o‘qitishning  turli  shakl  va  metodlari:  ma’ruza, 

laboratoriya  mashg‘ulotlari,  ekskursiya,  kuzatish  o‘tkazish,  tajriba  qo‘yish, 

amaliy  ishlar,  o‘quv  tajriba  yer  maydonida  ijtimoiy-foydali  mehnatdan  o‘z 

o‘rnida samarali foydalanishni talab etadi. 

 

Shuningdek,  ushbu  kursni  o‘tkazishda  o‘quvchilarning  tabiatshunoslik, 

geografiya va 5-sinfda biologiyadan olingan bilimlari asos bo‘lib xizmat qilishi, 

---

fanlararo va mavzulararo bog‘lanishlarni amalga oshirish o‘qituvchining diqqat 

markazida bo‘lmog‘i lozim.