I-bob: biologiya darslarida ekskursiyalarni tashkil

 

2.1.  Biologiyadan  ekskursiya  mashg‘ulotlarni  tashkil  etishning  didaktik 

maqsadi  

 



 

Biologiya  fanining  turli  sohalari  bo‘yicha  o‘quvchilarning  bilimlarini 

chuqurlashtirish va kengaytirish, biologiyani o‘rganishga bo‘lgan qiziqishlarini 

rivojlantirish,  uzluksiz  ta’lim  tizimining  keyingi  turlarida  o‘qishni  davom 

ettirish uchun tanlashga yordam berish;





 

O‘quvchilarning dunyoqarashini kengaytirish, tabiatning moddiy birligini uning 

yaxlitligini  ilmiy  tasavvur  qilish,  tabiatda  sodir  bo‘layotgan  voqea  va 

hodisalarning  tabiiy-ilmiy  sabablarini  bilish,  sabab-oqibat  bog‘lanishlarini 

tushunishga imkon yaratish;





 

O‘simliklarni  parvarish  qilish  va  hayvonlarni  boqishning  ilmiy  asoslariga 

e’tiborni  qaratish,  o‘quvchilarni  mavsumiy  dala  ishlariga,  maktab  tajriba  yer 

maydonchalarida, bog‘ va poliz ekinlari maydonlaridagi ishlarga jalb etish orqali 

ularning kasb tanlashiga, jumladan, qishloq xo‘jalik, meditsina, veterinariya va 

boshqa ixtisosliklar bilan tanishishiga sharoit yaratish;



---



 

O‘quvchilarning  ekologik  madaniyatini  takomillashtirish,  tabiatga  nisbatan 

ongli va omilkorona munosabatini tarkib toptirish;



  O‘quvchilarning o‘z organizmi, sog‘ligini asrash, profilaktika chora-tadbirlari, 

vrach  kelguncha  birinchi  yordam  ko‘rsatish,  sanoat  korxonalari  va  qishloq 

xo‘jaligi  ishlab  chiqarishidagi  xavfsizlik  chora-tadbirlari,  ishni  ilmiy  asosda 

tashkil etish haqidagi bilimlarini kengaytirish; 



 

O‘quvchilarning  gigienik  ta’lim-tarbiyasini  amalga  oshirish,  gipodinamiya 

(kam harakat qilish), chekish, alkogol, noto‘g‘ri ovqatlanish, kun tartibiga amal 

qilmaslikning zararini tushuntirishga yordam berish;





 

O‘quvchilarda  sharqona  odob-ahloq,  insoniy  fazilatlarni  shakllantirish,  ular 

ongi  va  qalbiga  milliy  istiqlol  g‘oyalarini  singdirish,  milliy  va  umuminsoniy 

qadriyatlarga hurmat, Ona-Vatanga sadoqat ruhida tarbiyalash sanaladi.



 

Ekskursiya  mashg‘ulotlarning  xilma-xilligi  o‘quvchilarning  qiziqish  va 

ehtiyojlarini to‘laroq qondirish, biologiya fanining eng istiqbolli yo‘nalishlari, 

biologiyaning  ilmiy-tadqiqot  metodlari  bilan  tanishtirish,  biologiyaga  doir 

bilimlarni  amaliyotga  qo‘llash  va  mahalliy  sharoitning  kadrlarga  bo‘lgan 

ehtiyojlarini qoplash imkonini beradi.