Хv боб. Инновацион иқтисодиётда менежмент стратегиялари Ўқув мақсади

Истеъмолчиларнинг эҳтиёж ва талабларига бевосита жавоб қайтариш стратегияси,одатда,саноат ускуналарини ишлаб чиқариш соҳасидақўлланилади. Ушбу стратегияни йирик компанияларнинг индивидуал буюртмаларини бажарувчи кичик ташкилот ва корхоналар амалга оширади. Ушбу буюртмаларнинг ўзига хослиги шундаки, улар фақатгина саноат ишлаб чиқариши ва савдосини қамраб олади, ИТТКИ эса буюртмачи-компаниянинг махсус инновациявий бўлинмаларида амалга оширилади.

Бундай стратегияни амалга оширувчи корхоналар таваккалчиликка деярли дуч келмайди ва харажатларнинг асосий ҳажми инновациявий циклнинг юқорида кўрсатилган босқичларига тўғри келади. Кичик ихтисослашган корхоналардан ташқари, мазкур стратегия йирик компанияларнинг хўжалик мустақиллигига эга бўлган ва ишлаб чиқариш эҳтиёжларига тезда жавоб бера оладиган бўлинмалари томонидан қўлланилиши ҳам мумкин.

Олдин ўзлаштирилган ва такомиллаштирилаётган маҳсулотга нисбатан стратегияларнинг барча турларини иккита асосий гуруҳга ажратиш мумкин. Бир томондан, бу ишлаб чиқарувчи харажатларни пасайтиришни, иккинчи томондан – ишлаб чиқарилаётган маҳсулот дифференциацияни назарда тутувчи стратегиялардир.

Биринчи гуруҳ доирасида корхоналар ишлаб чиқаришнинг моддий-техник ва технологик базасини такомиллаштиришга, инновациявий циклнинг айрим босқичларида ҳаражатларни камайтириш имкониятларини топишга алоҳида эътибор қаратилади.

Одатда ҳаражатлар бўйича етакчилик стратегиясини бозорда мустаҳкам ўринга ва хом-ашё ресурсларнинг ишончли манбаларига эга компаниялар амалга оширади.

Ушбу стратегия муваффақиятга учраган тақдирда, ишлаб чиқарувчи бозордаги улушини янада кенгайтириш, хом-ашё, материаллар, эҳтиёт қисмлар ва яримфабрикатларни харид қилиш харажатларини тежаш имкониятига эга бўлади. Натижада у рақобатдошларга нисбатан каттароқ даромад ҳажмига моддий-техник ва технологик базани такомиллаштириш учун қўшимча маблағларга эга бўлган ҳолда, харажатлр бўйича тармоқдаги етакчилигини сақлаб қолади.