Hujayra va gen ingenerligi

Internet saytlari
1.http://www.microbiology.ru/cmac/
2. http://www.study/online/ks/ua/
3. http://journal.issep.rssi.ru
4.http://novsu-micr.narod.ru/
5.http://www.obolensk.org/
6.http://www.chemport.ru/microbiology.shtml
7.www.sibpatent.ru,
8. www.kubnet.ru.
9. www.pereplet.ru.

11-mavzu: Gen injenerligida qo`llaniladigan vektorlar
Ma`lumki, vektor tizimlar gen injeneriyasida rekombinant DNK olish texnologiyasi yo’nalishida keng qo’llaniladi. Rekombinant DNK olish texnologiyasi–bu ayrim holatlarda molekulyar klonlash yoki gen injeneriyasi deb ham atalib, bitta organizm hujayralari genetik materialini, ya`ni dezoksiribonuklein kislota (DNK) molekulalarini boshqa organizm hujayra genomi tarkibiga o’tkazishdan iborat jarayonlar kompleksini o’z ichiga oladi. Bu maqsadda ilmiy tadqiqotlarda ob`ekt sifatida Escherichia coli bakteriyasidan keng miqyosda foydalaniladi.
1. Escherichia coli – Gram manfiy bakteriyasi
Escherichia coli bakteriyasi (ichak tayoqchasi)–bu barcha hujayralar orasida eng ko’p o’rganilgan hujayra hisoblanadi. Aynan, E. coli hujayrasida birinchi marta xromosomadan tashqarida joylashgan, qo’sh zanjirli, halqasimon DNK molekulasi mavjudligi aniqlangan. Shuningdek, bu bakteriya hujayralari plazmidalarni tadqiq qilish yo’nalishida ham batafsil o’rganilgan. Bundan tashqari, ko’pgina nisbatan to’liq holatda o’rganilgan bakteriya hujayralarida faollashuvchi viruslar (faglar) uchun ham E. coli hujayrasi xo’jayin–hujayra sifatida o’rganilgan.
In vitro sharoitida gibrid DNK molekulalarini konstruktsiyalash usullari ishlab chiqilishidan boshlab, fag va plazmida DNK molekulalarini ajratish va tozalash, ushbu molekulalarni E. coli hujayrasiga kiritish, keyin esa–transformatsiyaga uchragan–transformant va transfetant hujayralarni tanlab olish yo’nalishida tadqiqotlar olib borilishi yo’lga qo’yilgan. Begona genlarni klonlash va ekspressiyasini yuzaga keltirish yo’nalishida olamshumul natijalar aynan, ob’ekt sifatida E. coli hujayrasidan foydalanilgan genetik injeneriya bo’yicha tadqiqotlarda amalga oshirilgan.