Hududlarni moliyaviy imkoniyatlarini oshirish masalalari Reja: kirish

Kurs ishining predmeti. Ishning predmeti mahalliy byudjet mustaqilligini ta’minlash jarayonlarida vujudga keladigan moliyaviy munosabatlar yig‘indisidan iborat.
Kurs ishining obyekti. sifatida O‘zbekiston Respublikasi mahalliy byudjetlari hamda Toshkent viloyati Uchtepa tumani mahalliy byudjeti faoliyati belgilab olindi.
Kurs ishining maqsadi va vazifalari. Ishning asosiy maqsadi mahalliy byudjetlarning mustaqilligini ta’minlashning hozirgi zamon muammolarini o‘rganish va ularning yechimi yuzasidan mahalliy byudjetlar moliyaviy imkoniyatlarini oshirishga qaratilgan ilmiy asoslangan xulosa va amaliy tavsiyalar ishlab chiqishdan iborat. Ishning maqsadidan kelib chiqib quyidagi vazifalarni bajarish rejalashtirilgan: – Mahalliy byudjetlarning ijtimoiy-iqtisodiy mohiyati va ularning byudjet tizimida tutgan o‘rnini ochib berish; – Mahalliy byudjetlar faoliyatining tashkiliy-huquqiy asoslarini yoritish; – Mamlakatimizda mahalliy byudjetlar mustaqilligini ta’minlash amaliyotining tahlil qilish; – mahalliy byudjet daromadlar shakllanishining amaldagi holatini tahlil qilish; – mahalliy byudjet xarajatlaridan samarali foydalanish holatini tahlili qilish; – mahalliy byudjet daromadlari bazasini mustahkamlashda rivojlangan va rivojlanayotgan davlatlarining tajribalarini o‘rganish; – Xududlarning moliyaviy imkoniyatlarini oshirish orqali mahalliy byudjetlarning moliyaviy manbalarini mustahkamlash yo‘llari bo‘yicha xulosalar shakllantirish
Kurs ishi mavzusining nazariy-amaliy ahamiyati. Kurs ishidagi ilmiy taklif va tavsiyalarlardan mahalliy byudjetlarning daromad manbasini shakllantirish va mustahkamlashga hamda hududiy iqtisodiyotni barqarorligini ta’minlashda soliq tizimining samaradorligini oshirish va soliqlarning ahamiyatini oshirishga qaratilgan kelgusi ilmiy-tadqiqotlarni yanada kengaytirish va chuqurlashtirishda foydalanish mumkin. Kurs ishi natijalarining amaliy ahamiyati ishni yozish jarayonida olingan takliflar va tavsiyalardan mahalliy byudjetlarning daromad manbasini shakllantirish va mustahkamlashga hamda hududiy iqtisodiyotni barqarorligini ta’minlashda soliq tizimining samaradorligini oshirish va soliqlarning ahamiyatini oshirishga qaratilgan chora tadbirlar tizimini ishlab chiqilishida, kelajakda nazariy va amaliy jihatdan qurollangan yetuk mutaxassislar yetishtirishda muhim ahamiyat kasb etadi hamda iqtisodiy oliy o‘quv yurtlarida moliya va soliqlar bo‘yicha fanlarni o‘qitishda foydalanilishi mumkin.