Ўзбекистон республикаси навоий кон-металлургия комбинати давлат корхонаси

ФОЙДАЛИ МАСЛАХАТЛАР

ОДАМЛАРГА ТАЪСИР ЎТКАЗА ОЛИШ САНЪАТИ
Инсонларга таъсир ўтказа оласизми? Бу саволга бўладиган жавобингиз сиздаги жамоатни бошқара олиш, хизматчиларга мажбуриятларни юклай билиш, ўз ғояларингизни «юқоридагилар»га етказиш, ўз ҳамкори ёки харидорни ишонтириш муҳим аҳамият касб этадиган тадбиркорлик фаолияти билан шуғулланишга бўлган қобилиятингизни аниқлаб беради. Қуйидаги тест саволларига жавоб бериб, ўз маҳоратингизни синаб кўришингизни маслаҳат берамиз.

1. 
   Яхши кийинадиган ва ҳар қандай шароитда ўзини тута биладиган кишилар асабингизга тегадиларми?
   
2. 
   Ўзингизни бирор актёр ёки сиёсий арбоб ўрнида тасаввур эта оласизми?
   
3. 
   Ўз севги ҳиссиётларингиз тўғрисида ўзгалар билан суҳбатлаша оласизми?
   
4. 
   Сизга нисбатан қилинган хурматсизликка жавоб қайтаришга шошиласизми?
   
5. 
   Сиз учун муҳим ҳисобланган соҳада, бошқа кишиларнинг эришган ютуқлари кайфиятингиз бузилишига сабаб бўла оладими?
   

6. Ўз имкониятларингизни атрофдагиларга кўз-кўз қилиш мақсадида, ўзингиз учун жуда қийин бўлган вазифаларни ҳам бажаришга киришасизми?

7. 
   Ўз ишингизда юқори натижаларга эришиш йўлида барча нарсадан кеча оласизми?
   
8. 
   Дўстларингиз доирасини ўзгартирмасликка интиласизми?
   
9. 
   Хар қандай иш ва ҳаттоки дам олиш қаттиқ тартиб асосида амалга ошириладиган ҳаёт шакли сизга ёқадими?
   

10. Хонангизни қайта жиҳозлаш ёки мебель ўрнини алмаштириш ёқадими?
11. Эски масалаларни янги усулда ечиб кўришга уринасизми?
12. Ўзига бино қўйган, димогдор кишилар асабига тегишдан ҳузурланасизми?
13. Бошлиғингиз ёки бошқа таниқли кишиларнинг ноҳақ эканликларини исботлашга уринасизми?
Тўплаган балларингизни қуйидаги тизим асосида ҳисоблаб чиқинг: биринчи, саккизинчи, тўқкизинчи саволларга берилган «йўқ» жавобининг хар бири учун бир балл қўшилади, «ҳа» жавоби учун эса балл ҳисобланмайди. Қолган барча саволларга берган ҳар бир ижобий жавобингизга бир балл ҳисобланг. Агар сиз 7 ва ундан ортиқ балл тўплаган бўлсангиз, билингки сиз бошқаларга нисбатан ўз таъсирини ўтказа оладиган кишисиз. Сизда атрофингиздагиларни ўзингизнинг ҳақлигингизга ишонтира олиш қобилияти бор. Бироқ жуда агрессивлашиб кетишдан эҳтиёт бўлинг. Агар 6 ва ундан кам балл тўплаган бўлсангиз, демак қанчалар ҳақ бўлишингизга қарамай бошқаларни бунга ишонтириш сиз учун қийин кечади. Сиз кишилар билан бўладиган ўз мулоқотларингиз услубларини мукаммаллаштириш хақида ўйлашингиз керак.