Xorijiy mamlakatlarda ta’lim taraqqiyotining asosiy yо‘nalishlari va ilg‘or xorijiy tajribalar

Vebinar texnologiyalar

Vebinar texnologiyalar va ularni ta’lim jarayonida qо‘llash. Zamonaviy sharoitda ta’lim tizimida vebinar texnologiyalar tobora keng qо‘llanilmoqda.

Garchi “vebinar” tushunchasi shu ma’noni anglatsa-da, biroq, ta’lim amaliyotida keng ma’noda qо‘llanilib, turli onlayn tadbirlar (seminar, konferensiya, bahs-munozara, uchrashuv, taqdimot, ayrim holatlarda trening, turli hodisalar bо‘yicha tarmoq translyatsiyalari (kompyuter yoki Internet tarmog‘ida namoyish etiladigan lavhalar) va ta’lim vositalarini anglatishga xizmat qiladi. Ushbu texnologiyalarni о‘zlashtirish orqali pedagoglar interfaol о‘quv mashg‘ulotlarini tashkil etish imkoniyatiga ega bо‘ladi. Talabalar uchun esa bu texnologiyalar vaqtni va boshqa resurslarni tejash imkoniyatini yaratadi. Chunki ushbu interfaol ta’lim jarayoni bilan qulay vaqt va qulay joyda tanishish imkoniyati mavjud. Bu esa pedagoglardan vebinar texnologiyalar asosidagi mashg‘ulotlarni samarali tashkil etish uchun muayyan kо‘nikmalarga ega bо‘lish, bir qator shart va qoidalarga rioya etish talab qilinadi. Bu turdagi texnologiyalarning yaratilish tarixi 1980-yillardan – birinchi marta matnli xabarlarni almashish tizimi yaratilgan vaqtdan boshlangan. О‘tgan asrning 90-yillarida yanada takomillashgan muloqot tizimi veb-chat hamda juda qisqa vaqtda xabarlarni almashish tizimlari payo bо‘ldi. 90-yillarning oxirlariga kelib, birinchi konferens- aloqalarni tashkil etish tizimi ishlab chiqildi.

Shundan sо‘ng kо‘plab boshqa muloqot tizimlari, jumladan, Internet tarmog‘idagi konferensiya aloqalarni amalga oshirish imkoniyati yuzaga keldi.

Vebinar mashg‘ulotlarni olib borish uchun pedagoglarning oldiga veb-kamera о‘rnatilib, u tomonidan tashkil etilgan mashg‘ulot tarmoq orqali namo-yish etiladi. Bu mashg‘ulotni Yer sharining istalgan nuqtasida kо‘rish, Internet tarmog‘iga ulangan kompyuter vositasida talabalar va pedagog о‘rtasida muloqotni tashkil etish mumkin.

Odatda vebinar mashg‘ulotlar turli shakllarda tashkil etiladi. Jumladan (7-rasm):