«veterinariya» ixtisosligi bo’yicha oliy o’quv yurtlari uchun qo’llanma

 
Oldini olish
. Parrandalarni oziqlantirish ularning yoshi va fiziologik 
holatini hisobga olgan holda tashkil etiladi. Yangi keltirilgan oziqalarni 
albatta qayta tekshiruvdan o’tkazish lozim. 
35-mashg’ulot. 
PARRANDALARNING MODDA 
ALMASHINUVI BUZILISHI KASALLIKLARINI
DAVOLASH
.
Reja: 
33.1. Parrandalarning modda almashinuvi buzilishi kasalliklarini
davolash. 
33.2. Kasal parrandalarni qabo’l qilish va davolash.
Mashg’ulotning maqsadi:
talabalarga parrandalarning modda 
almashinuvi buzilishi kasalliklarini davolash va ularga qarshi 
preparatlarni kasal parrandalarga qo’llashni o’rgatish. 
Kerakli jihoz, reaktiv va asbob-uskunalar:
parrandlarning modda 
almashinuvi buzilishi kasalliklariga qarshi preparatlar namunalari, 
parrandachilikda ko’p ishlatiladigan qo’shimcha aralashmalar, steril 
shpris va ignalar, klinik tekshirish asboblari, klinik sog’lom va kasal 
parrandalar. 
Modda almashinuvining buzilishlari
parrandalar orasida keng 
tarqalgan bo’lib, parrandalarning kasallanishi va o’limining o’rtacha 50-
60% ni tashkil etadi. Ayniqsa vitaminlar va mineral moddalar 
yetishmovchiliklari keng tarqalgan bo’lib, ular asosan bir vaqtning 

---

200 
o’zida bir necha vitamin yoki mineral moddalarning yetishmovchiliklari 
oqibatida kelib chiqadigan aralash patologiya holida qayd etiladi. 
 
A gipovitaminoz 
(retinol yetishmovchiligi). Ko’pincha tuxumdan 
chiqqan yosh jo’jalar va broylerlarda uchraydi. 
 
Sabablari
. 2 oylikkacha bo’lgan yoshdagi jo’jalarda asosan tuxum 
tarkibidagi retinol (10 mkg/g dan kam bo’lishi) va karotinoidlarning (20 
mkg/g dan kam bo’lishi) yetishmovchiliklari oqibatida kelib chiqadi. 
Katta yoshdagi parrandalarda esa rasion tarkibida retinolning 
yetishmasligi kasallikning asosiy sababi hisoblanadi.