Ус таълим вазирлиги ўзбекистон республикаси соғЛИҚни сақлаш вазирлиги

Санатория - курортда даволанишда (амбулатория - курорт) касаллик варақасини берилиши
Санатория - курорт (амбулотория - курорт) даволанишга борувчиларга йўлланма қандай маблағлар ҳисобига олинганидан қатъий назар, касаллик варақаси жўнаб кетишдан аввал ВКК томонидан даволаниш учун беморнинг асосий ва қўшимча таътил кунларининг етмаган қисмига (бунда даволаниш учун ва йўлга кетган кунлар) қўшиб ҳисобланади.
Агар асосий ва қўшимча таътиллар жўнаб кетгунга қадар тугаган бўлса, ишчига раҳбарият томонидан ойлик маоши сақланмаган ҳолдаги асосий ва қўшимча таътилларга тенг бўлган таътил таклиф этилади.Иккинчи жаҳон уруши қатнашчилари ва ногиронлари, собиқ байналминал - жангчиларга, Чернобил авариясининг оқибатларини бартараф этишда иштирок этганларга ҳамда 16 ёшгача бўлган ногирон болани кузатиб борувчи ота-оналардан бирига санатория - курортда даволанишда касаллик варақаси барча даволаниш кунларига йўлга кетган муддатни ҳисобга олиб ва навбатдаги ва қўшимча таътилларни ҳисобга олмаган ҳолда берилади.
Санатория - курортда даволаниш вақтида вақтинча меҳнатга лаёқатсизлик ҳолати (касаллик ёки жароҳатлар оқибтида) вужудга келганда касаллик варақаси даволаниш жойидаги ДПМ томонидан умумий қоидаларга асосан санаторий врачининг хулосаси бўйича меҳнатга лаёқатсизликнинг барча кунларига берилади.
Вақтинча бошқа ишга ўтганда касаллик варақасининг берилиши
Сил касаллиги ёки касб касаллигига чалинганлар саломатлик ҳолатига ва даволанишига зиён етмаган ҳолда бошқа ишни бажара олсалар, вақтинча бошқа ишга ўтганда касаллик варақаси икки календар ойигача берилади. Касаллик варақаси ВКК томонидан берилади, агар ВКК бўлмаса -даволовчи врач ва бош врач билан ҳамкорликда касаллик варақаси берилади.
Фуқаро ва ҳарбий аҳамиятга эга бўлган ядро объектларидаги радиацион авариялар ва уларнинг оқибатида нур касаллигига чалинганлар ҳамда Чернобиль АЭСдаги авария оқибатларининг олдини олишда иштирок этганлар саломатлик ҳолати ва даволанишга зиён етмаган ҳолда бошқа ишни бажара олсалар, вақтинча бошқа ишга ўтганда касаллик варақаси меҳнат қобилияти тиклангунга ёки ногиронлик гуруҳи белгилангунга қадар бўлган муддатга ВКК томонидан, агар ВКК бўлмаса - даволовчи врач ва бош врач билан ҳамкорликда берилади.