O'zbekiston respublikasi turizm va sport vazirligi

II - guruh. Sport gimnastikasi turlari

Sport gimnastikasi haqida sо‘z ketsa, О‘zbekistonning sport gimnasti-kasi haqida ba’zi dalillarni eslatish lozim bо‘ladi.

1927 yil I-umum о‘zbek Spartakiadasi dasturida gimnastika asosiy turlardan biri bо‘lgan. Chunki, 1928 yil Moskvada Ittifoq I-Spartakiadasida О‘zbekiston sportchilari qatnashishi shart edi. Bu davrda sport gimnastikasi ikki yо‘nalishda mazmun topgan, ya’ni asboblarda meyoriy mashqlarni yakka tartibda bajarish va butun jamoa (respublika vakillari) ijro etadigan ommaviy kо‘rik namoyish majmuida (kompleks) ma’lum mashqlarni (qо‘lda tik turish, piramidalar yasash vax.k.) bajarish amalga oshirilgan.

Shu sababdan yakka tartibdagi mashq bajarganlarning nomi unchalik kо‘p tilga olinmagan. Shunday bо‘lsada mutaxassislar, tomoshabinlar, ishtirokchilar orasida Karimov, Murashko YE. (harbiy) kabilar olqishga sazovor bо‘lishgan.

Ikkinchi jahon urushi tufayli О‘zbekistonga juda kо‘p sport mutaxassislari, murabbiylar, sportchilar kelib qolishgan. Urushdan keyingi yillarda ham Respublikada sportni rivojlantirish maqsadida mutaxassis kadrlar taklif etilgan. Ular orasida Vnuchkov V.V Kurlyand A.N, kabi iqtidorli gimnastikachilar bо‘lgan. Ular uzoq yillar samarali mehnat qilishgan. Shuningdek Berezin A.M, Sarkisov A.B, Karimov T.S, Kurganov S.P. (Samarqand) kabilar ham katta faoliyat kо‘rsatishgan. Natijada Diomidov S. (Olim-piya chempioni,1964), Saadi E, (Olimpiada 1972, jahon chempioni), Ibroximov T.S. (sport ustasi), G‘iyosov E.(sport ustasi), Xonkeldiyev SH.H. (sport ustasi), Holmurodova Z. (badiiy gimnastika, sport ustasi) kabi mahalliy millat vakillari yetishib chiqdi.

Ayollar о‘rtasida XXVI Olimpiada о‘yinlari sovrindori, jahon birin-chiliklari qatnashchisi Chusovitina O. ning о‘rni О‘zbekiston sport tarixida muhim ahamiyatga egadir.

Mustaqillik tufayli sport gimnastikasiga ham e’tibor yanada kuchaymoqda. Bolalar sportini rivojlantirishga qaratilgan hukumat qarori asosida viloyatlarda sport gimnastikasi bо‘yicha sport maktablari soni kо‘pay-tirilmoqda, Olimpiada zahiralari kollejlari tarkibida sport va badiiy gim-nastika bо‘yicha bо‘limlar kengaytirilmoqda.

Ma’lumki sport gimnastikasi mazmun va shakl jihatdan kо‘p qirralidir. Ular ayollar va erkaklarga mо‘ljallangan. Ular orasida badiiy gimnastika (ayollar), akrobatika kabilar mustaqil sport turi hisoblanadi. Ularga qisqacha tafsilotlar berish mumkin.