O'zbekiston respublikasi turizm va sport vazirligi

Gigiyenik gimnastika haqidagi tushunchalar kattayu-kichiklarga ancha singib ketganligini e’tirof etmoq lozim. Chunki, bog‘cha, maktab va boshqa о‘quv yurtlarida bu tо‘g‘rida doimiy ravishda vazifalar, topshiriqlar, maslahatlar berib boriladi. Ayniqsa televizorda ertalab namunaviy mashqlar majmui namoyish qilib borilmoqda. Oilada ota-onalar о‘zlari ham shug‘ullanishadi va nixoyat maxsus qо‘llanmalar, tavsiyanomalar, plakatlar (rasmli kо‘rgazmalar) ishlab chiqilib, ular kо‘pchilikka ma’lumdir.

Gigiyenik gimnastika barcha uchun qulay va zarur bо‘lgan sog‘lomlashti-ruvchi jarayondir. Bu kishilarning jismoniy tarbiyasi, ularning kuch maba’i, kayfiyat va hayotiy faoliyatlarining manba’idir. Gigiyenik gimnastika bilan yakka tartibda yoki yotoqxonalarda uyushtiriladigan guruh mashg‘ulotlarida shug‘ullanish odatga aylangan. Gimnastikaning bu turi bilan faqat ertalabki vaqtdagina emas, balki kunduz kunlari va kechki uyqudan 1-2 soat oldin shug‘ullanish mumkin. Bunday paytlarda mashqlarning mazmuni, shakllari va bajarilishdagi takrorlashlarda vaqt-sharoitlarga nisbatan о‘zgartirish lozim bо‘ladi. Eslatish lozimki, mashqlarni bajarishda qorin tо‘q bо‘lmas-ligi kerak.

Gigiyenik gimnastika mashqlarining turlarini (majmui-kompleks) xar 4-5 kunda yangilab, tо‘ldirib borish lozim. Bu faoliyatlarga tо‘la amal qiluv-chilar va kо‘p yillik tajribalarga ega bо‘lganlar uchun mashqlarni predmetlar (gantel, tosh, arg‘amchi-skakalka, tayoq va x.k) bilan bajarish maqsadga muvofiqdir. Shuningdek mashqlar oldidan ochiq havoda yurish, yugurish (500-1000m.) foydalidir.

Gigiyenik gimnastikaning mazmunidagi mashqlarni bajarishda yengil sport formasini kiyish, о‘ziga yarashiqlik rang va loyiq kiyimlarni tanlashi lozim. Mashqlar tamom bо‘lgach, imkoniyat darajasida sovuq suv (dush)da yarim belgacha yuvinish yoki tо‘la chо‘milish lozim. Keyinchalik esa badanni qizar-tirib sochiq bilan ishqalab artinish kerak bо‘ladi. Bu holatlar tozalik va sog‘lomlikni ta’minlovchi, jismoniy jihatdan rivojlanishni ta’minlovchi badan tarbiya madaniyati kabi muhim hayotiy zarur bо‘lgan jixatlarni-gigiyenik omillarni vujudga keltiradi..