O'zbekiston respublikasi turizm va sport vazirligi

Atletik gimnastika tushunchasi, tananing tо‘g‘ri о‘sishi va rivojlanishi hamda barcha mushaklarning kengayishi, chiroyli kо‘rinishini ta’min-lash asosida chaqqonlik, kuchlilik, epchillik, egiluvchanlik kabi jismoniy sifatlarga yuqori darajada ega bо‘lishni anglatadi.

Atletik gimnastika bilan hamma ham shug‘ullanishi mumkin. Hafta davomida 2-3 marta 60-90 daqiqali mashg‘ulotlarda qatnashish tavsiya etiladi. Sо‘nggi yillarda О‘zbekiston sharoitida atletik gimnastika (atletizm) keng rivoj topib, katta va kichik yoshdagilar jalb etilmoqda.

Ayniqsa sog‘lomlashtiruvchi markazlarning kо‘payishi, ularda trenajerlarning eng zamonaviy moslamalari bilan ta’minlash yaxshi yо‘lga qо‘yilmoqda.

Atletik gimnastika bilan yakka tartibda mustaqil shug‘ullanish usullari ham mavjud. Bunda har kuni ish yoki о‘qishdan keyin 20-40 daqiqa davomida mashq qilish lozim. Mashqlarni bajarish uchun ovqatlanishdan 1.5-2 soat keyin harakat qilish shart bо‘ladi.

Amaliyotda mashg‘ulotlarni о‘tkazish usullari tajribalarda sinovdan о‘tkazilgan. YA’ni:

1.Ertalabki gigiyenik gimnastika va turli hil sog‘lomlashtiruvchi mashqlar, yugurishlar.

2.Tayyorgarlik qismda kuch, egiluvchanlik va chaqqonlikni tarbiyalovchi turli hil mashqlar. Bunda shug‘ullanuvchining jismoniy tayyorgarligi, kayfi-yati, ob-havo sharoitlariga qarab turli hil vositalardan (gir-tosh, spander, elastik rezina, trenajyor asboblari va h.k.) foydalaniladi. Bu usullar kamida bir yil davomida jismoniy tarbiya bilan muntazam shug‘ullanib kelgan, atletik mashqlarni bajarish yо‘llarini bilgan va tibbiy xodimlarning ruxsatini olgan kishilar uchun maqul bо‘ladi. ¹⁷

Tanadagi mushaklar kuchi va xajmining о‘sishi (kengayishi-tonus) uchun о‘z vazni, bо‘yini hisobga olgan holda yuklamalar (nagruzka) qabul qilish lozim bо‘ladi. Atletik gimnastika qoidalariga rioya qilmaslik, ortiqcha mashqlar bajarish, charchash, xastalik va boshqa salbiy jixatlarga olib kelish mumkin. Shu sababdan bu soxadagi maxsus о‘quv – uslubiy qо‘llanmalardan foydalanish, mutaxassislar bilan maslahatlashib turish lozim bо‘ladi.