Олий ва ¤рта махсус таълим вазирлиги

Uyushiq to`ldiruvchi gapda ikki yoki undan ortiq to`ldiruvchining o`zaro tenglanish munosabatida, bir xil shaklda kelishidir: Sovuq shamol yuzimni, qo`llarimni yalaydi. Men onam, otam va opam bilan xayrlashdim.

Gapda turli shakldagi to`ldiruvchilarning kelishi uyushiq to`ldiruvchi sanalmaydi: U oyisi bilan telefonda gaplashdi. Bu gullarni sizga keltirdim.

Uyushiq bo`lakli gaplarda so`zlarni jamlovchi, umumlashtiruvchi bo`lak bo`lishi xam mumkin. Bunday hollarda uyushiq bo`laklar gapning qaysi bo`lagi bo`lsa, umumlashtiruvchi bo`lak xam ana shu bo`lak xisoblanadi. Masalan: Kishilar, xotinlar, bolalar - kutib oluvchilar vagon bo`ylab chopdilar.

Ko`pincha belgilash va bo`lishsizlik olmoshlari, jamlikni, umumiylikni bildiradigan otlar umumlashtiruvchi so`z bo`lib keladi: O`zini tutishi xam, ovoziyam, muloyim jilmayib turishiyam - hamma, xammasi odamlarni sehrlab qo`ygan edi.

Umumlashtiruvchi bo`laklar uyushiq bo`laklardan oldin yoki keyin keladi. Umumlashtiruvchi bo`laklar uyushiq bo`laklardan oldin kelganda, umumlashtiruvchi bo`lakdan keyin ikki nuqta qo`yiladi: Qudratning oldidan ikki o`rtog`i: Ilhom va Rustam chiqib kelishdi.

Umumlashtiruvchi bo`lak uyushiq bo`lakdan keyin kelganda, umumlashtiruvchi bo`lakdan oldin tire qo`yiladi: Shu hovli-joy, mana shu daraxtlar, kursi, so`ri - hammasi meniki.