Менежмент. Маркетинг

Etik jixatdan murakkab bo‘lgan qarorlarni qabul qilish me’zonlari.
Etik dilemmalarning aksariyati bu bir butun va uning qismi – tashkilot va individ, jamiyat va tashkilot o‘rtasidagi nizodan iborat. Masalan, kompaniya o‘z xodimlarini alkogol va narkotik iste’molini tekshirish bo‘yicha majburiy testdan o‘tkazishi shartmi, bu xol tashkilot foydasiga yaxshi, lekin individning xarakat erkinligini cheklaydi. Milliy sifat standartlariga mos kelmaydigan tovarlarni boshqa, sifat standartlari talabi sustroq bo‘lgan mamlakatlarga eksport qilish xuquqiy jixatdan maqbulmi? Ba’zan etik jixatdan murakkab bo‘lgan qarorlar o‘z ortidan ikki gurux o‘rtasidagi nizolarni keltirib chiqaradi. Masalan, nima muximroq: korxonaning chiqindi suvlari tomonidan atrof-muxit ifloslanishimi yoki yirik ish beruvchi sifatida korxona yaratayotgan ish o‘rinlarimi?

Etik tanlov muammosi bilan to‘qnash kelganda menejerlar odatda normativ nuqtai nazarga, ya’ni ma’lum me’yor va qadriyatlarga asoslanadilar, keyin ularga muvofiq tegishli qarorlar qabul qilinadi. Normativ etikada qadriyatlar tizimini tavsiflashga bo‘lgan, va demak, etik jixatdan murakkab bo‘lgan qarorlarni qabul qilishga bo‘lgan bir necha yondashuv ajratiladi, ular menejment amaliyotida qo‘llanilishi mumkin: Utilitar yondashuv, Individual yondashuv, Axloqiy-xuquqiy yondashuv va Adolat konsepsiyasi.