Грунтга ишлов беришни механизациялашган усули

2.Ер қазувчи –транспорт машиналари билан грунт қазиш.

Ер қазувчи-транспорт машиналарига ортувчилар, скреперлар, бульдозерлар, грейдерлар ва грейдер – элеваторлар киради. Ер иншоотини фазовий шакли геометрик ўлчамли, грунтни ташиш узоқлиги, алоҳида турдаги машиналарни тор ихтисослашганлиги сабабли қўллаш чегаранганлигига қарамай, ер ишларида ташиш машиналарни ёрдамида кўпгина асосий ёрдамчи, тайёргарлик жараёнларини турли ишлаб чиқариш шароитида бажариш мумкин. Бульдозер ва скреперлар бир даврда грунтни қазийди, уни суради, кўтармага тўкади ва забойга бўш қайтади.

Бу машиналар билан бажарилган иш нархи бир чўмичлилар билан бажарилганга нисбатан 3...4 марта кам.
Бульдозерлар қурилишда катта ҳажмдаги ер ишларини бажаради. Асосий техник параметрлари қуввати ва оғирлиги. Технологик параметри – бульдозерни сургич-отвал узунлиги. Хозирги пайтда қуввати 600 кВт бульдозерлар қўлланилмоқда. Бульдозерни технологик имкониятларини кенгайтиришга бульдозер жиҳозлари билан бирга ёрдамчи алмаштирилиб туриладиган, юмшатгич нишаб қилувчи, шох-шаббани кесувчи, узайтирувчи, тиркашлар (бульдозердан итаргич сифатида фойдаланиш) ва бошқалар имкон беради.
Гидроприводни кенг қўлланилиши суришни сургични режада ва уни кўндаланг қийшайтириш имконини беради. Бульдозерни иш самарадорлигини ошиши унга ўрнатилган автоматлаштирилган система ҳисобига эришилди, бульдозерни ишчи органларини бошқаришни автоматлаштиришни таъминлайди ва планировкалаш ишларни сифатини оширади.(5.19 расмда) Ҳозирги замон бульдозер схемаси кўрсатилган. Комплекс технологик жараён таркибида бульдозерни қўллаш кўп сонли ёрдамчи тайёргарлик ва асосий жараёнларни механизациялаш имконини таъминлайди:

5.19 – расм. Бульдозернинг принципиал схемаси

• 
  тўнка ва буталарни кавлаб олиб ташлашда;
  
• 
  грунтни ўсимлик қатламини олиш ва суриш;
  
• 
  котлованга тушадиган нишабларни ва ер ташийдиган йўлларни барпо этиш ва сақлаш;
  
• 
  планировкалаш, тозалаш ва ер иншоотларни элементларни пардозлаш;
  
• 
  дренаж ариқлар барпо этиш;
  
• 
  кириш йўлларини барпо этиш;
  
• 
  турли кўринишдаги ер иншоатларни грунтини қазиш ва жойлаш;
  
• 
  қурилиш майдони чегарасида грунтларни суриш;
  
• 
  жойланаётган грунтни қаватма-қават текислаш;
  
• 
  қийин ишланадиган ва музлаган грунтларни юмшатиш;
  
• 
  қазилма ва пазухларни қайта тўлдириш;
  

Грунтни қазилмадан кўтармага 100м гача суришда бульдозерлар қўлланилади, қувватли транспортларда узоқлиги ошиши мумкин. Бошқа механизмлар билан қазилган котлован тубини тозалашда, котлован траншея лабида ётувчи грунтни қайта тўкишда текислаш ва планировкада, кичик ва чуқур бўлмаган котлованларни қазишда бульдозерлардан фойдаланилади. Грунтни узоқ масофага суришда бульдозер сургичларини ён томанлари қанотлар билан жиҳозланган бўлиши мўмкин.Грунтларни ишлаш қийинлиги бўйича бульдозер учун уч гурухга бўлинади.Учинчи гурух грунтлари олдиндан юмшатилади.