E. H. Eshboyev, Y. M. Fayziyev teri va tanosil kasalliklari

Vakuolli degeneratsiya. Malpigiy qavatining hujayralari yadro-si atrofida vakuollar hosil bo'lib, ular yadroni periferiya tomon siqib chiqaradi. Natijada yadro deformatsiyaga uchrab, piknoz xu­susiyatlarga ega bo'lib qoladi. Sitoplazma ichidagi suyuqlik hujay-rani nobud qiladi. Agar vakuola yadro ichida joylashsa, u holda yadro shishib, suyuqlik bilan to'lgan pufakchaga aylanadi.

Spongioz (hujayralararo shish). Malpigiy qavati hujayralari ora-sidagi suyuqlik hujayralararo ko'prikchalarni buzadi. Natijada hujay-ralarning bir-biri bilan aloqasi buzilib, epitelial pufakchalar hosil bo'ladi. Bu spongioz ekzema va boshqa dermatozlar uchun xos.

Akantoz — tikansimon qavat hujayralarining ko'payib qalin-lashib ketishi. Papillomatoz — terining bazal qavatida hujayralar bo'linishi (mitoz)ning kuchayishi va derma so'rg'ich qavati to'qimasining cho'zilishi. Granulyoz — epidermis donador qavatining qalin tortishi. Giperkeratoz — epidermis muguz qavatining haddan tashqari qalinlashuvi. Parakeratoz — tugallanmagan muguzlanish; muguz qavat hujayralarida yadro bo'lib donador qavatning bo'lmasligi. Diskeratoz — epidermis hujayralarida keratinizatsiya jarayonining buzilishi. Akantoliz — epitelial hujayralar orasidagi desmasomalarning shikastlanishi va bo'shliqlar vujudga kelishi.

NAZORAT SAVOLIARI

1. 
   Teri kasalligini paydo qiladigan endogen va ekzogen sabablar nima?
   
2. 
   Subyektiv va obyektiv belgilar haqida nimalarni bilasiz?
   
3. 
   Birlamchi morfologik toshmalarni tushuntirib bering.
   
4. 
   Ikkilamchi morfologik toshmalarni tushuntirib bering.
   
5. 
   Birlamchi va ikkilamchi toshmalar bir-biridan qanday farqlanadi?
   6.Giperkeratoz, parakeratoz, diskeratozni izohlang.