Ҳ. А. АрFинбоев, Ҳ. У. Абдуллаев, А. М

Агроиқлимшуносликнинг вазифалари қуйидагилар: 1) техникавий ёки бошқа экинлар учун иқлимий шароитларнинг мақбуллигини аниқлаш; 2) агроиқлимий районлаштириш мақсадида ҳудудларнинг иқлимий хусусиятларини текшириш, қишлоқ хўжалик экинларини мақбул жойлаштириш ҳудудларини аниқлаш; 3) янги агротехник усулларни иқлимий асослаш; 4) қишлоқ хўжалик ишлаб чиқариши учун микроиқлимнинг яхшиланиши мумкин бўлган томонларини ўрганиш; 5) микроиқлим ўзгаришини содир этувчиларни, ташкил этилган суғориш далаларини, ярим ҳимоячи ўрмонзорларни, агротехника тадбирларини ва бошқаларни ҳисобга олиш.
Агроиқлимшунослик иқлимни қишлоқ хўжалиги манфаати нуқтаи назаридан қараб, экинлардан юқори ва сифатли ҳосил олиш, чорвачиликнинг маҳсулдорлигини оширишда иқлим шароитларидан тўла фойдаланишни ўрганиш ва уларнинг ўзаро муносабатини ифодаловчи бир хил агроиқлимий районларни белгиловчи-ажратувчи хариталарни тузиш билан шуғулланади.


15.2. Ҳаво ва тупроқ ҳароратининг турли даражадан ўтиш
саналарини аниқлаш ва баҳолаш.
Қишлоқ хўжалик экинлари ривожланишига ҳароратнинг экинлар учун энг пастки қийматидан ошиб бориши вегетация даврининг бошланишини аниқлаб беради. Масалан, баҳорикор экинлар: кунгабоқар учун ҳароратнинг пастки қиймати 5С бўлса, маккажўхорига 10С, шолига 15С. Умуман ҳаво, тупроқ ҳароратининг баҳор ва кузда ҳар хил чегарадан кўтарилиш ва пасайиш саналарини аниқлаш амалий ишлар учун жуда муҳимдир.
Ҳароратнинг турли чегаралардан кўтарилишини ёки пасайишини аниқлашда бирмунча усуллар мавжуд. Уни аниқлаш учун қуйидаги маълумотлар зарур:
- ҳаво ёки тупроқ учун ўртача суткалик ҳарорат;
- ўн кунлик учун ҳаво ҳароратининг ўртача қиймати;
- ҳаво ҳароратининг ўртача ойлик қиймати.
Ҳароратнинг у ёки бу даражадан ўртача ўн кунлик ёки ойлик миқдорининг ўтганлигини аниқлашда қуйидаги формулалардан ҳам фойдаланилади:
ҳароратнинг ўртача ўн кунлик қийматлари маълум бўлса
; (15.3)
ҳароратнинг ўртача ойлик қийматлари маълум бўлса,
. (15.4)