Холдор Чиниқулов, Анвар Жўлиев

25 боб. КАЙНОЗОЙ ЭРАСИ 
 
Охирги 65 млн. йилни ўз ичига олган кайнозой эраси 
палеоген, неоген ва тўртламчи даврлардан иборат. Кейинги давр 
жуда қисқалиги билан фарқ қилсада (пастки чегараси 1 дан 2,8 млн. 
йил гача), у Ер тарихида катта аҳамиятга эга, чунки унда 
материкларни бир неча бор муз босган ва одам пайдо бўлган. 
 
24.1. Палеоген даври 
Палеоген даври бундан 65 млн йил илгари бошланган ва 23,5 
млн йил олдин якунланган бўлиб, 41,5 млн йил давом этган. 
Мустақил табақа сифатида палеоген К. Науманн (1866) томонидан 
ажратилган.
Геохронологик табақалари
. Палеогенни учта эпохага бўлиш 
барча мамлакатларда қабул қилинган, аммо асрларга бўлинишида 
фациялари ва органик қолдиқларининг турли-туманлиги сабабли 
анча чалкашликлар мавжуд. Одатда Европа ѐтқизиқларини 
таққослаш асосида яратилган шкаладан фойдаланилади.
Палеоцен (лотинча «палеос» - қадимий, «кэнос» - янги) 
эпохаси Ғарбий Европада монт ва танет асрларига бўлинади.
Эоцен (лотинча «эос» - тонг, «кенос» - янги) мустақил тоифа 
сифатида Ч.Лайел (1833) томонидан ажратилган. У тўртта: ипр, 
лютет, бартон ва приабон асрларидан иборат. 
Олигоцен таркибига рюпел ва хат асрлари киради.
Палеогеографияси.
Палеоценда континентларнинг деярли 
бутун майдонида денгиз регрессияси кузатилган. У Шимолий Аме-
рика ва Европада кучли кечган, Баренц денгизини қамраб олган. 
Кечки палеоцен денгиз трансгрессиясидан бошланади; унинг 
ривожланиши эоценда давом этган, аммо кечки бўр эпохасиникига 
етмаган. 
Гондвана гуруҳидаги материклар ҳам асосан океан сатҳидан 
баланд жойлашганлигича қолган. Транссаҳроиқабр бўғози олдин 
Тетис кўрфазига, кейинчалик умуман қуруқлиққа айланади. 
Патагонияда палеоценга нисбатан денгиз Атлантика соҳилларига 
чекинади.
Ёш океанлар - Атлантика, Ҳинд, Шимолий Муз океанлари 
кенгайган ва чуқурлашган.

---

411 
Олигоценда бутун фанерозойдаги Дунѐ океанининг энг паст 
сатҳи кузатилади. Эрта палеогенда ҳукмронлик қилган илиқ иқлим 
совуқ иқлим билан алмашади ва Антарктидада музликнинг вужудга 
келишига сабабчи бўлади.