Hkm 0 ta kazus metodologiya – 10-kazuslar

13-savol
“Huquqshunoslar guruhi va jamoasida ishni toʻgʻri tashkil etish usullari” mavzusi uchun tayyorlangan maʼruza matnidan bilib oldingizki, jamoada har bir aʼzo oʻzining individaul xususiyatlari, qobiliyatidan kelib chiqib muayyan bir rolni bajaradi.
(1) Siz oʻzingizda qaysi rol ijrochisining xususiyatlari bor, deb hisoblaysiz. Ayni shu xususiyatlaringiz yordamida erishgan muvaffaqiyatlaringizni hayotiy misollar bilan yoritib bering.

Jamoaviy ishlashning ahamiyati shundaki, unda har kim aniq bir vazifani bajaradi va shu orqali ko’zlangan maqsadga erishish osonlashadi.Men ham bir necha bor jamoaviy tarzda ish olib borganman. Bunda asosan men yaratuvchi yoki muvofiqlashtiruvchi vazifalarini bajarganman.Masalan, oraliq topshiriqni bajarish yuzasidan bizga o’zimiz istagandek kompaniya yaratish vazifasi berildi. Shunda men yaratuvchilik vazifasini bajardim. Kreativ fikrlashga egaligim bois, jamoadoshlarimga o’z kompaniyamiz loyihasini tayyorlab, taqdim etdim. Ularning loyiham haqidagi fikrlarini o’rgandim, kamchiliklarni tuzatib, qo’shimchalar kiritgan holda imijmakerlik kompaniyasini birgalikda yaratdik va muvaffaqiyatga erishdik. Chunki bizning kompaniyamiz maqsadi, ish olib borish tartibi va usulllari, reklamalari, flayerlari barcha ustozlar tomonidan e’tirofga sazovor bo’ldi. Yana bir boshqa vaziyatni misol qilib keltirsam, maktabda bitirish arafasida bizga har bir guruh maktabimizning yaxshi va yomon tomonlari, kelajakdagi maktabimiz uchun takliflarimizni bildirish yuzasidan fikrnoma tayyorlash topshirig’i berildi. Men fikrnoma tayyorlashda ham yaratuvchi vazifasini bajardim va qo’shimchasiga maktabimiz hayoti haqida sahnaviy chiqish tayyorlash taklifini bildirdim va shunda men muvofiqlashtiruvchi ( koordinator) vazifasini bajardim. Ya’ni barchaning xarakter xususiyatlarini bilganim bois, kimga qaysi rol mos tushishini o’ylab, barchaning fikrini inobatga olgan holda rollar taqsimotini amalga oshirdim. Bizning sahnaviy chiqishimiz va fikrnomamiz eng yaxshisi deb topildi va biz muvaffaqiyatga erishdik, albatta bunda barchaning birdek hissasi mavjud. Ushbu topshiriqlarni bajarishda men muvofiqlashtiruvchi va yaratuvchi vazifalarini bajardim va jamoamiz bilan muvafffaqiyatga erishishimizda o’z hissamni qo’shdim.