Hisob va audit

BMI ob'ekti va predmeti. BMI ob'ekti sifatida mamlakatimizda faoliyat yuritayotgan fermer xo'jaliklari va ularda ishlab chiqarish xarajatlari hisobiga oid iqtisodiy ma'lumotlari hisoblanadi.
Tadqiqotning predmeti bo'lib, Respublikamiz fermer xo'jaliklarida ishlab chiqarish xarajatlari hisobini yuritish va mahsulot tannarxini aniqlash tartibini takomillashtirish masalalari hisoblanadi.
BMI maqsadi va vazifalari. Bitiruv malakaviy ishining maqsadi - fermer xo'jaliklarida ishlab chiqarish xarajatlari hisobi hamda ular mahsuloti tananarxi kalkulyatsiyasini amalga oshirishning nazariy va amaliy jihatlarini o'rganish hamda uni takomillashtirish masalalarini tadqiq etishdan iboratdir.
Yuqorida qo'yilgan maqsadga erishish va bitiruv malakaviy ishi mavzusining mazmunini ochib berish uchun malakaviy ishda quyidagi vazifalarni o'rganishni maqsad qilib oldik:

• 
  Bozor munosabatlari sharoitida ko'p tarmoqli fermer xo'jaliklarining iqtisodiyotda tutgan o'rni, ahamiyati va ular faoliyatining o'ziga xos xususiyatlarini o'rganish;
  
• 
  Iqtisodiyotni modernizatsiyalash sharoitida ko'p tarmoqli fermer xo'jaliklarida ishlab chiqarish xarajatlari hisobini tashkil etishning maqsadi, vazifalari va me'yoriy asoslarini tadqiq etish;
  
• 
  Ko'p tarmoqli fermer xo'jaliklarida ishlab chiqarish xarajatlarini buxgalteriya hujjatlari va schyotlarida aks ettirish xususiyatlarini o'rganish;
  
• 
  Ko'p tarmoqli fermer xo'jaliklarida mahsulot tannarxini shakllanishi va uni kalkulyatsiya qilish tartibini tadqiq etish;
  
• 
  Ko'p tarmoqli fermer xo'jaliklarida ishlab chiqarish xarajatlarini moliyaviy hisobot shakllarida umumlashtirish xususiyatlarni amalga oshirish;
  
• 
  Ko'p tarmoqli fermer xo'jaliklarida ishlab chiqarish xarajatlari hisobi va mahsulot tannarxini kal'kulyatsiya qilishni takomillashtirish masalalarini tadqiq etish.
  

Bu vazifalardan ko'rinib turibdiki, fermer xo'jaliklarida ishlab chiqarish xarajatlari hisobi hamda ular mahsuloti tananarxi kalkulyatsiyasini amalga oshirishni chuqur o'rganish, amaliyotga tadbiq etish va takomillashtirish bugungi kundagi dolzarb masalalardan biridir.