Химмотология

25-расм. Мойларни ишлаб чиқариш схемаси.
13-жадвал
Баъзибир товар мойларнинг асосий хоссалари жадвали:

Кўрсаткичлар.	Мотор мойлари.			Индустриал мойлар.		Компрессор мойлари
	МС-20	ДС-11	АС-10	ИС-12	ИС-45	КС-19
Ёпишқоқлиқ, мм^2/С 100^оС 50^оС	20 -	10,5-11,5-	9,5-10,5-	- 10-14	- 38-52	17-21 -
Ёпишқоқлик индекси	85	83	85	-	85	85
Котиш ҳарорати, ^оС	-18	-15	-15	-30	-10	-18
Кул миқдори, %	0,003	0,005	0,005	0,005	0,005	0,005
Олтингугурт миқдори, %	1,0	1,1	1,1	1,0	1,1	1,1

7.1. Мотор мойлари

Мотор мойлари транспортда, қишлоқ хужалик ва бошқа машиналарда қўлланиладиган поршенли ички ёнув двигателларини мойлашга мўлжалланган. Бу энг тарқалган мой гуруҳи бўлиб, уларнинг улуши нефть мойлари ишлаб чиқаришнинг умумий хажмини 50% дан ортигини такил этади. Деярли барча мотор мойлари селектив тозаланган база мойларни турли функционал мақсадлардаги қўндирмалар қўшиш билан олинади. Поршенли ички ёнув двигателларида тартиби ва хоссалари, қўндирмаларни тури ва концентрациялари турига бўлинган товар мойлари қўлланилади. База мойлар блан асосан товар мойларни қовушқоқлик-ҳарорат хусусиятлари, уларнинг паст ҳароратдаги ҳаракатчанлиги, шунингдек қўндирмаларга бўлган кабул килувчанлик аниқланади. Қшки ва ёзги мотор мойлари учун қуйидаги база мойлари тайёрланади:

М-6(АС-6) – дистиллят;
М-8(АС-8, ДС-8) – дистиллят ва қолдиқ (14%дан кам бўлмаган) мойлар аралашмаси;
М-11(ДС-11) - дистиллят ва қолдиқ (30% дан кам бўлмаган) мойлар аралашмаси;
М-14(ДС-14) – дистиллят ва қолдиқ ( 40% дан кам бўлмаган) мойлар аралашмаси;
М-16(ДС-16) – дистиллят ва қолдиқ (50% дан кам бўлмаган) мойлар аралашмаси;
М-20 – ВАЗ автомобиллари учун мотор мойларини селектив тозаланган юқори индексли база мойлари асосида тайёрланади; АВ-6 дистиллят; АСВ-10 - дистиллят ва қолдиқ (25% дан кам бўлмаган) мойлар аралашмаси. Барча мавсум ва шимолий мойлар учун база мойлари сифатида веретен мойи АУ ва чуқур депарафинланган паст ҳароратда қотувчи АСВ-5 ҳисобланади. Чегараланган миқдорда кислота-контакт ва кислота-ишқорий тозаланган мойлар ҳам ишлаб чиқарилади. АВ трактор двигателлари учун мўлжалланган замонавий мотор мойларида албатта қўндирмалар бўлиши керак. Мойларни ювувчи, дисперловчи хоссалари, оксидланишга чидамлилиги сурков ва ҳимоя кобилиятлари асосан қўндирманинг миқдори ва сифатига боғлиқ. Мойлар қуйидагидек кўп функцияли ва композицион қўндирмалар қўшилади. (ВНИИНП-360, ДФ-11, МНИИД-22к ва бошкалар). Кимёвий таркиби ва таъсир механизми турлича бўлган қўндирмаларни қўшиш оркали унверсал эксплуатация хоссали карбюратор ва дизель двигательларидаги паст ва юқори ҳароратда чўкмалар ҳосил бўлишини бартараф этувчи мотор мойлари олинади.
Мойлар эксплуатация шартлари ва ишнинг кучланишлари ҳисобига олинган холда бир биридан 100⁰С даги қовушқоқлиги (6 дан 20 мм²С гача) ва бошқа хоссалари билан фарқ қилувчи 6 гуруҳга бўлинганлар (А,Б,В,Г,Д ва Е). Товар мойлари қуйидги тарзда белгиланади:
М-8А, М-10Б, ва х. Бу ерда М ҳарфи мотор мойини билдиради. «А», «Б». Ҳарфлар мой гуруҳини, рақамлар 100⁰С даги қовушқоқлигини билдиради. Б,В,Г гуруҳ мойлари гуруҳ ости группачаларига бўлинади ва уларни вазифасига қараб рақамлар билан белгиланади. (1-карбюратор двигателлари, 2-дизель двигателлари учун) А,Б,В ва Г гуруҳ мойларини карбюратор двигателларида ҳам, автотрактор дизельларида ҳам қўллаш мумкин; Д ва Г гуруҳ мойларини эса фақат двигателларда қўлланилади. Куюлтирилган мойлар М-4 3/6 В, М-63/10 Г тарзида белгиланади. «3» индекси мойни таркибида қуюлтирувчи қўндирма борлигини, биринчи ракам 18⁰С даги қовушқоқлик синфини белгилайди. (1300 дан 20400 мм²/с гача). Айрим карбюратор ва дизель двигателлари учун мўлжалланган товар мойларига бўлган талаблар қуйидагида келтирилган.