Harbiy-texnik instituti konstitutsiyaviy huquq

1. Yuridik kafolatlar; 
2. Ijtimoiy-siyosiy (g’oyaviy-mafkuraviy) kafolatlar; 
3. Ijtimoiy-iqtisodiy kafolatlar. 
Fuqarolarning huquq va erkinliklarini ta’minlashda 
yuridik 
kafolatlar boshqa kafolatlarga nisbatan alohida ahamiyat kasb etib, 
ularning belgilanishi bevosita boshqa turdagi kafolatlarning ham amalga 
oshirilishi uchun huquqiy asos bo’lib xizmat qiladi. Yuridik kafolat 
fuqarolarning huquq va erkinliklarini qonunlar va qonunosti hujjatlarida 
belgilash orqali huquqiy jihatdan kafolatlanishidir. Yuridik kafolatlarni 
amalga oshishi faqat demokratik tartib amalda bo’lgan davlatlardagina 
kuzatiladi. 
Yuridik kafolat mazmun-mohiyati o’z ichiga quyidagilarni oladi: 
- fuqarolarning huquq va erkinliklarini amalga oshirilish tartibi va 
qoidalarini mustahkamlash; 
- fuqarolarning o’z huquq va erkinliklarini hech qanday to’siqlarsiz 
amalga oshirishlarida davlat idoralari va mansabdor shaxslar mas’ulligini 
belgilash; 
- huquqqa salbiy daxl qiluvchi yoki qilishi mumkin bo’lgan xatti-
harakatlar yuzasidan davlat-huquqiy himoyani ta’minlovchi maxsus 
me’yorlar (ariza, taklif va shikoyat qilish huquqi, yuqori turuvchi organga 
va sudga murojaat qilish huquqi) belgilanishi; 
- huquqni buzganlik uchun yuridik javobgarlikning belgilanganligi 
(mulkiy, fuqaroviy, iqtisodiy, intizomiy, ma’muriy, jinoiy). 

---

273 
O’zbekiston Respublikasida fuqarolarning huquq va erkinliklarini 
maxsus kafolatlash Konstitutsiya asosida qabul qilingan qonunlar orqali 
ham amalga oshiriladi. Ushbu qonunlarga: “O’zbekiston Respublikasining 
fuqaroligi to’g’risida”gi, “Fuqarolarning huquq va erkinliklarini buzadigan 
xatti-harakatlar va qarorlar ustidan sudga shikoyat qilish to’g’risida”gi 
“Fuqarolarning o’zini-o’zi boshqarish organlari to’g’risida”gi, 
“Fuqarolarning pensiya ta’minoti to’g’risida”gi, “Fuqarolarning sog’lig’ini 
saqlash to’g’risida”gi, “Axborot olish kafolatlari va erkinligi 
to’g’risida”gi, “Axborot erkinligi prinsiplari va kafolatlari to’g’risida”gi, 
Bola huquqlarining kafolatlari to’g’risida”gi va boshqa ko’plab qonunlarni 
misol sifatida keltirish mumkin.