Hamda mudofaa vazirligi buxoro davlat universiteti

Chaqqonlik sifati – kishining maqsadga muvofiq xatti-harakatlarni murakkab yoki daf’atan o‘zgarib borayotgan vaziyatda bajara olish qobiliyatini anglatadi.

Chaqqonlik sifati ikki yo‘l qo‘llanilib rivojlantiriladi. Xususan, ushbu yo‘llardan biri harbiy xizmatchilarning harakatga kelish tajribasini turli amallar ijrosining yangi shakllari ila muntazam boyitib borish bilan bog‘liq bo‘lsa, ikkinchisi, tegishli hatti-harakatlarni daf’atan o‘zgarib boradigan vaziyat sharoitlarida o‘zaro moslash bilan bog‘liqdir.

Chaqqonlik sifatini rivojlantirishning yuqorida zikr etilgan birinchi yo‘li tegishli hatti-harakatlarni o‘zaro muvofiqlashtirish va harakatga kelish mahoratini shakllantirishning dastlabki bosqichlarida yuzaga keladigan to‘siqlarni engish zarur bo‘ladigan yangi jismoniy mashqlar ijrosini o‘zlashtirish jarayonida ro‘yobga chiqariladi.

Ikkinchi yo‘l esa odatiy jismoniy mashqlar ijrosiga hatti-harakatlarni o‘zaro mos keltirib borish talab etiladigan g‘ayrioddiylik omilini joriy etish orqali ro‘yobga chiqariladi. Shu maqsadda gimnastika bo‘limiga mansub jismoniy mashqlar, to‘siqlarni engib o‘tish amallari, qo‘l jangi elementlari, sport o‘yinlari va serharakat o‘yinlardan foydalaniladi.