Hamda mudofaa vazirligi buxoro davlat universiteti

Batalon, vzvod, guruh va ularga tenglashtirilgan boshqa bo‘linmalar miqyosida quyidagi tadbirlar va erishilgan natijalar hisobi yuritiladi:

• 
  jangovar tayyorgarlikni rejalashtirish hujjatlarida jismoniy tayyorgarlik va sport bo‘yicha ko‘zda tutilgan barcha tadbirlar;
  
• 
  sport razryadlarini qo‘lga kiritgan hamda «Harbiy sportchi» ko‘krak nishoni bilan taqdirlangan sportchi harbiy xizmatchilar soni;
  
• 
  harbiy xizmatchilar tomonidan bajarilgan jismoniy mashqlar hamda harbiy-sport kompleksi (hujjat matni davomida – HSK, deb yuritiladi) talablari ijrosining natijalari.
  

Amaliy tekshiruv natijalari tegishli vedomostlarda qayd etiladi.

O‘quv yili davomida erishilgan natijalarga asosan harbiy qism jismoniy tayyorgarlik va sport boshlig‘i harbiy qismda olib borilgan jismoniy tayyorgarlik va ommaviy-sport ishlarining holatiga oid ma’lumotnoma-bildiruv tayyorlab, bo‘ysunish pog‘onasi bo‘yicha yo‘llaydi.

Bunday ma’lumotnoma-bildiruvda quyidagilar aks ettiriladi:

• 
  harbiy xizmatchilarning jismoniy tayyorgarlik va sport sohasidagi saviyasi;
  
• 
  ommaviy-sport ishlarining holati;
  
• 
  jismoniy tayyorgarlik va sportga oid o‘quv-moddiy baza, sport anjomlari va buyumlarining mavjudligi va holati;
  
• 
  jismoniy tayyorgarlik tadbirlari ta’minotining holati;
  
• 
  jismoniy tayyorgarlik mashg‘ulotlarining sifati va harbiy xizmatchilarning jismoniy tayyorgarlik saviyasini yanada oshirishga oid takliflar.