Hamda mudofaa vazirligi buxoro davlat universiteti

Sohaga oid rag‘batlantirish choralari barcha pog‘onalarga mansub komandirlar tomonidan O‘zbekiston Respublikasi Qurolli Kuchlarining Intizom nizomiga muvofiq ko‘riladi.

Harbiy xizmatchilarning jismoniy tayyorgarligiga oid tadbirlar uch bosqichdan, xususan:

• 
  tadbirlar ijrosiga hozirlik ko‘rish bosqichi;
  
• 
  tadbirlarni bevosita amalga oshirish bosqichi;
  
• 
  tadbirlar ijrosiga yakun yasash bosqichidan tashkil topadi.
  

O‘z navbatida, tadbirlar ijrosiga hozirlik ko‘rish bosqichi: tadbirlarni amalga oshirish muddatlarini belgilash, tadbirlar rejasi va dasturini ishlab chiqish va ijrosini ta’minlashdan iborat bo‘ladi. Tadbirlarni bevosita amalga oshirish bosqichi tadbirlar rejasi va dasturining hayotga tatbiq etilishini ta’minlaydi. Tadbirlar ijrosiga yakun yasash bosqichida jismoniy tayyorgarlik bo‘yicha amalga oshirilgan tadbirlarning ijobiy va salbiy tomonlarini umumlashtirish maqsadi ko‘zlanadi.

Harbiy xizmatchilar bilan olib boriladigan jismoniy tayyorgarlik tadbirlarini tashkillashtirish tartibi, o‘quv mashg‘ulotlari o‘tkaziladigan hafta kunlari va buning uchun ajratilgan vaqt, o‘quv guruhlarining tarkibi harbiy qism komandirining tegishli buyrug‘i bilan belgilab o‘tiladi.