Hamda mudofaa vazirligi buxoro davlat universiteti

Chidamlilik sifati – kishining o‘z harakatini yuqori darajada, samarasini susaytirmagan tarzda uzoq vaqt bajara olish qobiliyatini anglatadi.

Chidamlilik sifati umumiy va maxsus chidamlilikka farq qilib, kishi organizmining fiziologik imkoniyatlariga bog‘liq bo‘ladi.

Chidamlilik sifati jadal harakatlar, to‘siqlarni engib o‘tish, suzish, sport o‘yinlari va serharakat o‘yinlar vositasida tarbiyalanadi.

4- mashq. 1 kilometrga yugurish mashqi.

Ushbu mashq har qanday tabiiy joyda, umumiy start olgan tarzda bajariladi. Start olish va finish marralari bir joyda yoki alohida jihozlanadi.

5- mashq. 3 kilometrga yugurish mashqi.

Ushbu mashq har qanday tabiiy joyda, umumiy start olgan tarzda bajariladi. Start olish va finish marralari aynan bir joyda yoki alohida jihozlanadi. Yugurish davomida mashq ishtirokchilari bir-biriga xalal bermasligi lozim. Yugurish amalidan yurish amaliga o‘tgan yoki distansiyadan chetga chiqqan ishtirokchi mashqni bajara olmadi, deb e’tirof etiladi.

6- mashq. 3 kilometrga anjom-aslaha (qurol) bilan yugurish mashqi.

3 kilometrga anjom-aslaha (qurol) bilan yugurish mashqi harbiy kiyim kiygan, avtomat bilan qurollangan, bel kamariga ikkita o‘qdon joylangan patronlar qopchig‘i taqilgan, elkaga gazniqob tashlab olingan holatda bajariladi.

Yugurish davomida ishtirokchilar bir-biriga xalal bermasligi lozim. Yugurish amalidan yurish amaliga o‘tgan yoki distansiyadan chetga chiqqan ishtirokchi mashqni bajara olmadi, deb e’tirof etiladi. Qurol va anjom-aslahalarni boshqa ishtirokchiga berish man etiladi.

Yugurish ishtirokchisi finish chizig‘ining g‘oyibona vertikal yuzasiga gavdasi bilan tekkan fursatda yugurish amali oxiriga etkazildi, deb e’tirof etiladi.

7- mashq. 5 kilometrli kross.

5 kilometrli kross notekis joylarda umumiy start olgan tarzda amalga oshiriladi. Start olish va finish marralari aynan bir joyda yoki alohida jihozlanadi.