Халқ таълими ходимлари асосий лавозимларининг малака тавсифлари

109-§. Кутубхона директорининг маънавий-маърифий
ва тарбиявий ишлар бўйича ўринбосари лавозимининг
малака тавсифлари 
 
Тартиб рақами 
913 
Машғулотларнинг миллий стандарт 
классификатори бўйича коди 
1210 
Ходимлар тоифаси 
Бошқарув 
337. Лавозим вазифалари: 
а) кутубхонада маънавий-ахлоқий ва тарбиявий ишларни ташкил қилиш, 
ўтказиладиган маънавий-маърифий ва бошқа тадбирларни мувофиқлаштириш; 
б) маънавий-маърифий ишларнинг йиллик ва ойлик режаларини ишлаб чиқиш ва 
уларнинг бажарилишини назорат қилиш ҳамда ижро интизомига риоя қилиш;
в) тарбиявий ишлар бўйича методик материаллар ишлаб чиқишни, ѐш 
мутахассисларга методик ѐрдам кўрсатишни ташкил қилиш; 
г) мамлакатимизда нишонланадиган муҳим байрам саналарига бағишланган 
тадбирларни ташкил этилишини таъминлаш; 
д) кутубхона ходимларини малакасини ошириш ва уларни қайта тайѐрлашни ташкил 
этишда иштирок этиш; 
е) иш фаолиятидаги мавжуд камчиликларни бартараф этиш чоралари ҳақида 
кутубхона директорига таклифлар киритиш, кутубхона мулкига эҳтиѐткорона муносабатда 
бўлиш; 
ж) кадрларни танлаш ва жой-жойига қўйиш, юқори малакали мутахассислар билан 
тўлдириш, уларнинг касбий маҳоратларини ривожлантириш бўйича чора-тадбирларни амалга 
ошириш ҳамда кадрлар захирасининг шакллантирилишини таъминлаш ишларида иштирок 
этиш; 
з) жамоада соғлом маънавий муҳитни шакллантириш, кутубхонанинг ички тартиб-
қоидаларини белгилаш, уни ходимлар томонидан бажарилишини назорат қилишда иштирок 
этиш; 
и) ваколати доирасида жисмоний ва юридик шахсларнинг ѐзма ва оғзаки 
мурожаатларини, ариза ва шикоятларини кўриб чиқиш; 
к) санитария-гигиена талабларига, меҳнатни муҳофаза қилиш, техника ва ѐнғин 
хавфсизлиги қоидаларига риоя қилишни таъминлаш. 

---

145 
338. Билиши лозим: 
а) давлатимизнинг халқ таълими тизимига оид ва болалар ҳуқуқларини тартибга 
солувчи ҳамда ахборот-кутубхона фаолиятини такомиллаштиришга тегишли амалдаги 
норматив-ҳуқуқий ҳужжатларини; 
б) давлат таълим стандартлари, мутахассислиги бўйича юртимизда ва жаҳон 
амалиѐтида бўлаѐтган янгиликларни; 
в) ходимларни маънавий ва моддий рағбатлантириш тизимлари ва методларини; 
г) кадрларни танлаш ва жой-жойига қўйиш усуллари, уларнинг малакасини ошириш ва 
қайта тайѐрлаш тартибини; 
д) жамоада соғлом маънавий муҳитни шакллантириш, аҳиллик-иноқликни 
мустаҳкамлаш бўйича фаолият юритишни; 
е) маънавий-ахлоқий тарбияни амалга оширишда таълим муассасалари, жамоат 
ташкилотлари билан ҳамкорликни ривожлантириш йўналишларини; 
ж) ахборот-кутубхона иши назарияси ва амалиѐтини, методик ишларни ташкил этиш 
ва самарадорлигини ошириш усулларини; 
з) кутубхона ички тартиб-қоидаларининг ходимлар томонидан бажарилишини назорат 
қилишни, уларга нормал ишлаши учун етарли шарт-шароитлар яратиб бериш йўлларини; 
и) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
339. Малака талаблари: 
а) ўз йўналиши бўйича камида бакалавр даражасидаги олий маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) мутахассислик соҳасида камида уч йиллик меҳнат стажи.