Халқ таълими ходимлари асосий лавозимларининг малака тавсифлари

68-§. Республика таълим маркази етакчи
методисти лавозимининг малака тавсифлари 
Тартиб рақами 
1718 
Машғулотларнинг миллий стандарт 
классификатори бўйича коди 
2341 
Ходимлар тоифаси 
Мутахассис 
214. Лавозим вазифалари: 
а) бириктирилган фани бўйича қайта нашр этиладиган, қайта ишланадиган ва янги 
яратилган дарслик, ўқув-методик қўлланмаларни экспертизадан ўтказиш ишларини ташкил 
қилиш ва экспертиза натижаларини муаллифларга етказиш, улар билан ишлаш ҳамда нашрга 
тайѐрлаш; 
б) давлат таълим стандартлари талабларининг бажарилиши юзасидан ўтказилган 
мониторинг натижалари асосида ўқувчиларнинг билимидаги узилишларни тўлдириш 
масалалари бўйича тавсиялар яратиш; 
в) ўқув жараѐнига ўқитишнинг замонавий илғор шаклларини, янги педагогик ва 
ахборот-коммуникация технологияларини жорий этишда методик ѐрдам кўрсатиш; 
г) таълим муассасаларида таълим-тарбия самарадорлигини оширишга, педагогик 
жараѐнни такомиллаштиришга йўналтириш, илғор педагогик тажрибаларни ўрганиш ва 
уларни оммалаштириш; 
д) таълим-тарбияни ривожлантиришга ва сифатини оширишга оид турли анжуманлар, 
илмий-амалий конференциялар, ўқув кўрик-танловларини ташкилаштириш ва уни ўтказиш; 
е) фанлар бўйича туман (шаҳар) ва вилоят миқѐсидаги беллашувларни ўтказишга 
амалий ѐрдам кўрсатиш, натижасини таҳлил қилиш ва аниқланган камчиликларни бартараф 
этишга оид тавсиялар яратиш; 
ж) бириктирилган фанлари ва йўналишларида ўқитишнинг замонавий илғор шакл ва 
усуллари, янги педагогик технологиялар тўғрисида маълумотлар ҳамда мазкур йўналишдаги 
ижодкор ўқитувчилар, методистлар фаолиятига оид маълумотлар базасини яратиш; 

---

93 
з) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 
215. Билиши лозим: 
а) давлатимизнинг халқ таълимига, умумий ўрта таълим мактаблари учун дарсликлар 
ва ўқув қўлланмаларининг нашрга тайѐрлашга оид ва болалар ҳуқуқларини тартибга солувчи 
норматив-ҳуқуқий ҳужжатларини; 
б) мутахассислиги бўйича янгиликларни, психология-педагогика фани ютуқларини ва 
уни ҳаѐтга татбиқ этиш йўлларини; 
в) методик ишларни ташкил этиш ва самарадорлигини ошириш усулларини; 
г) давлат таълим стандартлари талабларини ўқувчилар томонидан ўзлаштириши 
мониторингини олиб бориш натижасида аниқланган камчиликларни бартараф этиш 
йўлларини; 
д) давлат таълим стандартлари, ўқув режа, ўқув дастури ва бошқа ўқув-методик 
ҳужжатларнинг мазмуни ҳамда ўқув жараѐнига татбиқ этиш йўлларини; 
е) дарсларни таҳлил қилиш ва амалий ѐрдам бериш шаклларини, таълимнинг метод ва 
воситаларини; 
ж) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
216. Малака талаблари: 
а) олий педагогик маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) беш йилдан кам бўлмаган педагогик иш стажи.