Халқ таълими ходимлари асосий лавозимларининг малака тавсифлари

78-§. Мультимедиа умумтаълим дастурларини
ривожлантириш марказининг етакчи
муҳандиси лавозимининг малака
тавсифлари

Тартиб рақами	139
Машғулотларнинг миллий стандарт классификатори бўйича коди	2149
Ходимлар тоифаси	Мутахассис

232. Лавозим вазифалари:

а) замонавий оргтехника ва компьютер техникасининг техник хизматини, иш ҳолатини таъминлаш ва назоратини амалга ошириш ҳамда мунтазам профилактика ишларини олиб бориш;
б) компьютер учун эҳтиёт қисмларини сотиб олишга буюртма бериш, уларни капитал таъмирлаш;
в) ахборот технологиялари янгиликларидан доимо ҳабардор бўлиб туриш, йиллик, чораклик ва ойлик шахсий иш режаларини тайёрлаш;
г) йиллик иш режаларини тузиш ҳамда режа асосида бажарилган ишларнинг ҳисоботларини бўлим бошлиғига топшириш;
д) мультимедиа маркази мулкига эҳтиёткорона муносабатда бўлиш, ижро интизомига риоя қилиш;
е) мультимедиа марказининг иш фаолиятида мавжуд бўлган камчиликлар ва уларни бартараф этиш чоралари ҳақида бўлим бошлиғига, мультимедиа маркази директорига таклифлар киритиш;
ж) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш.
233. Билиши лозим:
а) халқ таълими тизимига оид, ахборот-коммуникация технологиялари йўналишига тегишли ҳамда бола ҳуқуқларини тартибга солувчи амалдаги норматив-ҳуқуқий ҳужжатларни;
б) компьютер ва техника воситаларининг хусусиятларини, белгиланган иш мақсади ва техник эксплуатация қоидаларини;
в) компьютер ва техника воситаларидан фойдаланишнинг мамлакатимиз ва чет эл илғор тажрибаларини;
г) ички меҳнат тартиби қоидаларини, ходимларни малакасини ошириш ва қайта тайёрлаш тартибини;
д) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидаларини.
234. Малака талаблари:
а) ўз йўналиши бўйича камида бакалавр даражасидаги олий маълумот;
б) шу йўналишда камида икки йиллик иш стажи.