Х. И. Ирсалиев ортопедик стоматология

 
Қолиплаш босим орқали ва қуйиш усули. Тайёр пластмасса хамири 
олдиндан тайёрланган қолипда шаклга солиш учун ишлатилади. Тиш 
техникаси амалиётида қолиплар гипсдан, ажратиладиган метал кюветаларда 
(шаклида) тайёрлнади. Гипсли қолип тиш протезининг мум кўринишидаги 
аниқ нусхадир. Бунинг учун полимер массаси қолипга солиниб, (жойланади) 
кюветанинг ажралма қисмлари бириктирилади ва босим остига жойланади. 
Босим қолипни тўлиқ тўлдириш ва массани зичлаш мақсадида қилинади. 
Кюветада масса доимо босим остида бўлиши керак, бу пластмассанинг 
ўта зич тузилишини таъминлайди ва киришишини камайтиради.
Иккинчи усулда платммассадан босим остида, қуйиш- инжекцион 
қолиплаш усули билан хам протезлар олиш мумкин. Босим остида қуйиш 
пластмассас хамири қуйиш йўл (канал)лари орқали киритиладиган шприц- 
пресс ва махсус кюветалар, махсус аппаратларда бажарилади.
Бу усулнинг афзалликлардан бири қолиплаш массаси полимерлаш 
жараёни давомида босим остида бўлишидир. Бунда қуйиш йўллари орқали 
қолипга маълум миқдордаги масса келиши мумкин, бу эса киришишни бир 
мунча қоплайди (камайтиради). 
Асос пластмассасининг мухим хусусияти унинг пластиклиги ва зарба 
бардошлигидир. Бу хусусиятлар протезнинг функционал сифати ва 
чидамлилигини белгилайди. 
Стоматологияда бир неча ўн йиллардан бери турли акрил ва метакрил 
кислоталар асосидаги асос материаллар биринчиликни ушлаб турибди. Акрил 
материаллари ўзининг асосий хусусиятлари - нисбатан паст захарлиги 
(токсиклиги) ва ишлашга қулайлиги билан ажралиб туради.
 
Асос пластмассалариннинг физик-механик хусусиятларини яхшилаш 
учун сополимерлаш усули, айниқса сингдирилган сополимерлаш анчагина 
самаралидир. Бу усулни қўллаш яхши базис полимерларини олиш имконини 
берди. Асос полимерларини пайвандлаш усули билан фтор каучук полимер 
сифатида 1972 йилда “Фторакс” номли пластмасса яратилди. Асос материал 
таркибида полицеталларни тадқиқ қилиш натижасида 1979 йилда янги 
полимер - масса “Акронил”ни ишлаб чиқарилди.