Х. И. Ирсалиев ортопедик стоматология

ХОМ АШЁЛАРНИНГ КИМЁВИЙ ХОССАЛАРИ. 
Хом ашёларнинг кимёвий хоссалари деганда биз, моддаларнинг турли 
хил кимевий бирикмалар таъсирида, уларда келиб чиқадиган ўзгаришларга 
айтилади. Яъни моддаларнинг кислоталар, ишқорлар, турли хил тузли 
суюқликлари таъсири натижасидаги ўзгаришларидир. Чунки тиш протезлари
доимо оғиз бўшлиғида хосил бўладиган кучсиз кислотали, ишқорли 
суюқликлар таъсирида бўлади. Агарда бу хом ашёлар шулар билан жараёнга 
(реакцияга) киришсалар, бунда уларнинг таркибий қисмлари кимёвий 
ўзгаришлар натижасида бузилади. Бузилиш натижасида хосил бўлган 
элементлар одам танасига салбий таъсир қилиши мумкин. Шунинг учун хам 
тиш протезлари учун қўлланиладиган хом ашёлар кимёвий барқарор 
бўлишлари керак. Яъни юқорида қайд қилинган суюқликларда ва оғиз 
бўшлиғида кимёвий ўзгаришларга учрамасликлари зарур. Яъни металл 
протезлар тайёрланаётганда ва оғизда тақиб юрганда, кимёвий бирикма хосил
бўлиши мумкин ёки ажралиши мумкин. Оғиз бўшлиғида энг юқори кимёвий 

---

97 
барқарор металл бўлиб, нодир (қимматбахо) металлар ва уларнинг 
қотишмалари хисобланади. Буларга-олтин, кумуш, платина, мис ва шу 
қатордаги металлар киради. Булардан ташқари шундай хусусиятларга акрил 
пластмассалари ва зангламайдиган пўлат қотишмаларини хам кўрсатиш 
мумкин. Металл қотишмаларига ташқи (кислород, кислоталар, ишқорлар ва 
бошқа кимёвий моддалар) ва ички (металл қотишманинг ички кимёвий 
активлик реакцияси натижасида юз берадиган холатлар) омиллар натижасида 
юз берадиган кимёвий жараёнларга коррозия деб аталади. Коррозия турига 
қараб- махаллий, умумий ва кристаллараро кўринишларига бўлинади. Бунга 
мисол қилиб металл қотишмалар қисмларининг уланган жойида, 
кавшарларнинг коррозияга учрашидир. Бунинг натижасида уларнинг 
мустахкамлиги пасаяди хамда ранги ўзгаради. Айникса коррозия оғиз 
бўшлиғида 2 хил металл қотишмаларидан тайёрланган тиш протезларида 
яққол кўришимиз мумкин. Бундай холатда гальваник холат юзага келиб, оғиз 
бўшлиғида, сўлак иштирокида гальваник элементлар хосил булади. Паст (кам) 
электр қувватга (потенциалига) эга бўлган металл қотишма анод ҳисобланиб, 
яъни манфий электрод, гальваник холатида емирилади (коррозия) ва сулакка 
ўтади. Галъваник холатни келтириб чиқишда нафакат электр қувватининг 
(потенциали) хар хиллиги, балки металл қотишма юзасининг холати, 
сулакнинг РН миқдори ҳам таъсир қилади. Хосил бўлган кучсиз гальваник ток 
(40-70мкА) нафақат электрокоррозияни келтириб чиқаради, балки оғиз 
бўшлиғи шиллиқ қаватининг сурункали касалликларини хам келтириб 
чиқаради. Шунинг учун хам бу холатлар келиб чиқмаслиги учун хам, тиш 
протезларини тайёрлашда бир хил (ёки бир-бирига яқин) электр потенциалига 
эга бўлган металлар ва металл қотишмалари қўлланиши керак. Металл 
қотишмаларининг оксидланиш жараёнлари хам юқоридаги холатларни 
келтириб чиқариши мумкин.