Х. И. Ирсалиев ортопедик стоматология

ХОМ АШЁЛАРНИНГ ХОССАЛАРИ 
1. Механик хоссалар 
Хом ашёларнинг механик хоссалари деганда биз- ташқи кучлар таъсирида 
бузилишга, ўзгаришга хом ашёнинг қаршилик кўрсата олиши тушинилади. 
Хом ашёларнинг қандай механик хусусиятларига эга эканликларини аниқлаш 
мақсадида турли хил механик синовлар ўтказилишни талаб этилади. Чунки 
қўлланиладиган ҳом ашёлар тиш протезлари тайёрлаш жараёнида эзилиши, 
чўзилиши, эгилиши, қирқилиши ва яссиланиши мумкин. Механик хоссаларга 
қуйидагилар киради. 
ҚАТТИҚЛИК. Қаттиқлик деганда модданинг танасига (юзасига) бошқа 
бир модда таъсир қилганидаги унинг қаршилигидир. Модда қанча қаттиқ 
бўлса у шунча кам едирилади. Қаттикликни Бринеля усули билан 
аниқланади. Бу усул билан хом ашёнинг сифатини ва унинг бирор мақсадда 
ишлатилиши мумкинлиги аниқланади. 
МУСТАХКАМЛИК (ЧИДАМЛИЛИК) 
Мустахкамлик деганда биз хом ашёнинг ташқи таъсир қилаётган 
кучларга бузилмасдан, ўзгармасдан (шакли) жавоб қайтариш хусусиятидир. 
Хом ашёнинг бу хусусияти, тиш протезларида ишлатиладиган ва 
пластмассаларга қўйиладиган асосий талаблардан биридир. Уларнинг 
мустахкамлиги хом ашёнинг молекуляр тизилишидан келиб чиқиши 

---

93 
табиатидан, тайёрланган ўлчамидан, таъсир кучидан ва таъсир босимига 
боғлиқдир. 
Хом ашёларнинг мустахкамлигини турли йўллар билан ошириш 
мумкин. Масалан металларни термик ишлов бериши усули билан, ёки асосий 
металга қаттиқлиги юқори бўлган металлар қўшиш йўллари билан уларнинг 
мустахкамлигини ошириш мумкин. Пластмассаларда эса уларнинг 
молекуласига бириктирувчи моддлар қўшиб ёки сополимеризация усули 
билан уларнинг мустахкамлигини ошириш мумкин. 
ЭГИЛУВЧАНЛИК 
Эгилувчанлик бу хом ашёнинг ташқи босим остида ўзининг шаклини 
ўзгартирилиши ва ташқи босим тўтхатилгандан (олингандан кейин) кейин, 
яъни ўз аввалги шаклини тиклашидир. Лекин эгилувчанликнинг чегараси 
мавжуд бўлиб, ундан ўтиб кетилса хом –ашё ўзининг аввалги шаклини қайта 
тиклай олмайди. Бунда шакл ўзгариши юз беради. Тиш протезларига 
ишлатиладиган хом- ашёларнинг бу хусусияти катта ахамиятга эгадир, (мисол 
учун юмалоқ илмоқлар, пружиналар ва бошқа холатлар) 
ПЛАСТИКЛИК 
Хом ашёнинг ташқи куч таъсирида, ўзгармасдан, бузилмасдан ўз 
шаклини ўзгартириши ва ана шу шаклни, таъсир кучи тугагандан кейин 
сақлаб қолишига- пластик хусусияти деб аталади. Бундай хусусиятларга 
кўпгина қолип олувчи хом ашёлар, мумлар, гипс ва пластмасса кириши 
мумкин. Масалан металларни пластиклик хусусиятини ошириш учун уларни 
куйдирилади, мумлар ва қолиб олувчи хом –ашёлар иситилади, гипс эса сув 
билан аралаштирилади. Лекин пластиклик хусусияти ортиб борган сари хом – 
ашёнинг мустахкамлиги (чидамлилик даражаси) пасайиб боради.