Х. И. Ирсалиев ортопедик стоматология

 
ТЕРМОПЛАСТИК ҚОЛИП ОЛУВЧИ ХОМ АШЁЛАР. 
Қарийб 100 йилдан ортиқ даврдан буён стоматологлар термопластик 
массалардан фойдаланади. Бироқ сўнги йилларда бу хом ашёларни 
мукаммаллаштиришга кераклича эътибор берилмаяпти, олимларнинг 
харакатлари совуқ усулдаги алъгинат ва синтетик каучук асосли янги 
эластик нусха материаллари яратиш ва уни амалиётга татбиқ этишга 
йўналтирилмоқда. 
Термопластик қолип хом ашёлари хароратнинг ўзгариши таъсиридагина 
юмшайди ва совутганда қотади. Термомассалар қуйидаги хусусиятга эга 
бўлиши керак:
1) харорат натижасида оғиз бўшлиғида оғриқ хиссини келтириб 
чиқармаслиги ва тўқималарни куйдирмаслиги; 
2) иш давомида ёпишқоқ бўлмаслиги;
3) оғиз бўшлиғидаги хароратдан бирмунча юқори хароратда қотиши; 
4) юмшоқлигида бир жинсли масса бўлмоғи; 
5) асбоблар билан енгил ишланиши. Бу гурухга энг аввало турли 
мумлар, шунингдек гутаперча хамда стенслар киради. 
Вайништейн массаси(5 тури фаркланади), Керр массаси(5 рангда ишлаб 
чикарилади), Ортокор, Стомапласт, Дентафол ва бошкалар анна шу 
гурухнинг тарихий вакиллари бўладилар. Хозирги вақтда бу гурух вакиллари 
ёрдамида қолип олиш жуда хам кам қўлланилмокда. Улар билан қискача 
танишиб чиқамиз. 

---

103 
Мастер 
Бу хом-ашё 48-60
0
С да юмшоқ холатга келади ва худди шу хароратда 
масса пластик холатга қайтади ва 35-37
0
С хароратда қотади. 
Улар хусусий қошиқ тайёрлашда ва ёрдамчи қолиплар олишда ишлатилади. 
Қўлланилиши: 50-60 
о
С иситилган сувли идишга қошиқ ва “Мастер” 
пластинкаси солинади. Юмшаган массани қўл билан пастки қошиққа 
жойлаштириб жағдан қолип олинади. Масса тўлиқ қотгандан кейин чиқариб 
олинади ва модел қуйилади. 
Ишлаб чикариш шакли: 40 граммли 5 та жигарранг рангли айлана 
шаклидаги хом ашё бўлиб, Россия давлатида ишлаб чиқарилади. 
СТЕНС-03 
Стенс-03 термопластик қолип олувчи хом-ашё хисобланади. Бу хом-ашё 
48-60 
о
С да юмшоқ холатга келади ва худди шу хароратда масса пластик 
холатга келади ва 35-37 
о
С да қотади. Қизил рангда айлана шаклида пластинка 
холида ишлаб чиқарилади. 
Унинг таркибини конифол 36%, цинк оксид 3%, парафин 13%, церизин 
5,5% дибутилфталат 0,5%, тальк 42%, ёгда эрувчи бўеқлар 0,02% ташкил 
қилади. Улар хусусий қошиқ тайёрлашда, ёрдамчи қолип олишда ишлатилади. 
Қўлланилиши: 50-60
о
С иситилган сувли идишга қошиқ ва Стенс-03 
пластинкаси солинади. Юмшаган массани қўл билан пастки жағ учун валик 
шаклида, юқори жағ учун диск шаклида тайёрланади ва қолип олинади. Масса 
тўлиқ қотгандан кейин оғиздан чиқариб олинади ва модел куйилади. Улар 
ишлаб чиқариш шакли: 40-44 граммли 5та тук кизил рангли айлана 
пластинкаларидан иборатдир, ишлаб чиқарувчи давлат Украина, »Стома».