Х. И. Ирсалиев ортопедик стоматология

Доимий тишлар (dentes permanentes) 
Доимий тишларга курак тишлар (dentes incisivi), қозиқ тишлар (dentes 
canini), премолярлар (dentes premolares) ва молярлар (dentes molares) киради. 
Курак ва қозиқ тишлар олдинги тишларга киради, премоляр ва молярлар ён 
тишлар гуруҳига киради. Доимий тиш тизими ўзининг тўртдан бир қисмида 
2та курак, 1та қозиқ тиш, 2та премоляр ва 3та моляр тишлардан ташкил топиб, 
жами 32 тишдан иборат бўлади. Шуни айтиш керакки курак тишлар, чакка-
пастки жағ бўғими ва чайнов мушакларини ишловчи соҳасидан йироқ 
бўлганлиги туфайли улар энг ингичка тож қисмга эга бўлади. Тиш ёки унинг 
тож қисми тиш қаторининг ён томонига ўтган сари катталашиб боради.
Чакка-патки жағ бўғими ва чайнов мушаклари яқинида жойлашган 
моляр тишлар нафақат бақувват тиш, балки катта тож қисмга эга бўлган 
тишлар бўлиб ҳисобланади. 
Илдиз кесимида юмалоқ шаклда бўлиши мумкин, лекин кўпроқ у 
қисман овал шаклга эга. Илдиз канали кўндаланг кесимини шакли одатда 
илдизнинг кўндаланг кесимини такрорлайди. Овалсимон илдиз каналларида 
илгарироқ 2та думалоқ канал бўлган, сўнгра улар бирлашиб овал канал ҳосил 
қилган. 
Кесув тишлар. Улар кесув қирра ва белкураксимон тож қисмидан 
иборат. Бу тузилиш ҳисобига кесув тишлар ўзлари учун хос бўлган вазифа – 
узиб олиш вазифасини бажаради. Дастлаб чиққан тишларнинг кесув қирраси 
2та пилакча билан ажралиб туради, аммо вақт ўтиши билан едирилиш 
ҳисобига бир текис кесув қирра юзага келади. Юқориги марказий тиш энг 

---

15 
катта, пастки марказий тиш энг кичик курак тиш бўлиб ҳисобланади. Юқори 
жағнинг ён курак тишлари марказий курак тишдан ўлчамлари бўйича 
анчагина фарқ қилади, пастки жағда бу фарқ сезиларсиз. 
Юқориги жағ марказий кесув тишлари. Узунлиги – 24 мм, тожнинг 
узунлиги – 11,6 мм, мезио-дистал кесими – 8,4 мм, вестибуло-орал кесими – 
7,3 мм (табл. 1). Юқориги жағ марказий кесув тишларининг ўзига хос 
хусусияти уларнинг белкураксимон тож қисми ва тожининг танглай юзасида 
2та қиялик бўлиб, марказда дўмбоқча остида бирлашади. Юқориги марказий 
курак тишлар – бу бир илдизли ва бир каналли бўлиб, канал кўндаланг кесими 
юмалоқ шаклга эга (6, 7 расм ва табл. 5).