Гуруҳ битирувчиси Деҳқонова Зухрахон Таълатжон қизининг

Мактабгача ёшдаги болаларни мантиқий фикрлашга ундовчи қўлларини ривожлантириувчи дидактик ўйинли тасвирлар:
1. Типратикан ўрмондан қўзиқорин олиб келаётганида чарчаб, уйига келадиган йўлни эсидан чиқариб қўйди. Демак, унга тезда қаламимизни қўлга олиб, тасвирдан қўлни узмасдан, тўғри йўлни кўрсатиш лозим.
2. Қорбобо қопини кўтариб болаларга совға олиб келмоқда. Лекин ўзининг учадиган чанаси қаерда турганлигини билмасдан турибди. Унга тўғри ва тез топишига ёрдам бериш лозим.
3. Ўрдакча боласининг олдига келмоқда, лекин чалкаш йўлда адашиб қолди. Унга тўғри йўлни кўрсатиш лозим.
4. Айиқча ўзининг ётоғидаги кроватига бориши лозим. Уйқуси келди. Лекин йўлини топа олмаяпти. Унга ёрдам бериш лозим.
5. Вертолётни бошқараётган янги учувчи эди. У қўниш учун аэропортни адаштириб қўйди. Унга қўнишга ёрдам бериш учун нима қилиш керак? Қаламни қўлга олиб, енгил чизиқ билан қаламни тасвирдан узмаган ҳолда йўлни кўрсатиш лозим.
6. Балиқ хўракка бориш йўлини топа олмаяпти. Унга тўғри йўлни кўрсатиш лозим.
7. Чумчуқча донни ейиш учун борадиган йўлни топа олмаяпти. Нима қилиш лозим? Унга тўғри йўлни кўрсатиш учун қўлга қаламни олиб, енгил чизиқлар билан чизиб кўрсатинг.
8. Балиқ денгизга сузиб бориш йўлини топа олмаяпти. Унга ариқлардан сузиб бориш йўлини кўрсатиш керак. Сўнгра ариқларга рангли қалам ёки мум қаламда ранг бериб чиқиш лозим.
9. Намунали тасвирларнинг вариантларига қараб оддий қора қаламда қўлни узмасдан нуқтадан нуқтагача тасвирлаш машқлари.
Бундай дидактик тасвирли, ўйин машқлари бола қўлидаги бармоқларидаги майда мускулларини ривожлантиради, мантиқий фикрлаш ва кузатувчанлигини оширади ҳамда мактаб таълимига тайёрлайди.
Намунали тасвирларнинг вариантларига қараб оддий қора қаламда қўлни узмасдан нуқтадан нуқтагача тасвирлаш машқлари. Нуқтадан нуқтагача тасвирлашни босқич билан оддий ва содда предметларни тасвирлашдан бошлаган маъқул. Шунда болалар бундай тасвирлаш технологиясини эгаллаб олгач, аста-секин мураккаброқ предмет ва буюмларни тасвирлашлари мумкин. Қуйида бир нечта расмлар нуқтаданнуқтагача тасвирлаб кўрсатилган. Уларни нафақат оддий қора қаламда, балки рангли қаламларда предметлар рангига қараб тасвирлаш ҳам мумкин. Ундан ташқари, рангли ручкалар ёки фломастерлар билан ҳам тасвирлаш мумкин. Болалар тасвирни ҳосил қилишда ўзлари мустақил эркин чизишлари учун материални танлашларига эркинлик бериш лозим. Бундай дидактик нуқтадан нуқтагача ўйинли тасвирларни чизишни нафақат гуруҳ ичида машғулотни ўтиш, балки болалар билан табиат қўйнига чиқиб МТМ ховлисидаги асфатларга рангли бўрлар билан тасвирлашлари ҳам мумкин бўлади. Мактабгача ёшдаги болалар учун бундай машғулотлар жуда қизиқарли бўлиб, уларнинг ижодий қобилиятлари ривожланишига ёрдам беради.