Гули маҳмудова маданий антропология

Коммуникация (кенг маънода) – мулоқот. Экзистенциализмда – мулоқот тури бўлиб, унинг ёрдамида «Мен» ўзини бошқа одамда топади.
Конгламерат – объект, предмет, моҳиятнинг бир вақтнинг ўзида жипслик ҳосил қилувчи турли жинс ва жиҳатлардан иборат бирлашмаси.


М
Миллий ва диний анъаналар трансформацияси – бирон бир халқ, миллат ва этноснинг азалий даврлардан миллий онг компонентларида чуқур ўрин эгаллаган, урф-одат, анъана ва қадриятлари билан боғлиқ удумлари. Агар мамлакатимиз ҳудуди мисолида қараб ўтилса, Ислом динида деярли учрамайдиган одатлар, қадриятлар тизими. Кўп расм-русумлар элимизнинг ислом динидан аввалги топинишларининг кўриниши бўлиб, ҳозирги кунда миллий ва диний анъаналарнинг трансформациясидан далолат беради. Жумладан, фольклор, тўй маросимлари, қадриятлар ва ҳ.к.
Менталитет – (лот. mens – ақл, тафаккур) – индивид ёки ижтимоий гуруҳнинг, миллатнинг дунёни маълум бир тарзда тушуниш ва ҳаракат қилишга тайёрлиги ва мойиллиги. Жамият, миллат, жамоа ёки алоҳида шахснинг тарихий таркиб топган тафаккур даражаси, маънавий салоҳияти, ҳаёт қонунларини таҳлил этиш кучи, муайян, ижтимоий шароитларда шаклланган ақлий қобилияти. Менталитет — элат, халқ миллат, жамоа, гуруҳ, шахснинг тарихий босиб ўтган йўли, био-физиологик ривожланиши, иқтисодий, сиёсий маънавий, диний, экологик, маиший ҳаёт уйғунлиги таъсирида шаклланган, таркиб топган тафаккур даражаси, маънавий, ақлий салоҳияти, ҳаётий муаммоларга қарши тура олиш кучи, муайян, ижтимоий шароитларда шаклланган фикрий қобилияти бўлиб, у жамият тараққиёти, иқтисодий-сиёсий даражаси, маънавий камолотида ҳал қилувчи омил.
Механицизм – дунёқараш ёки таълимот шакли бўлиб, табиат ва жамият ривожланишини материянинг механик ҳаракат шакли билан боғлаб тушунтиради ва бу ҳаракат универсал ҳисобланиб, моддий дунё ҳаракатининг барча шаклига мансуб дейилади. Механицизмнинг пайдо бўлиши XVII—XVIII асрларда классик механика назарияси билан боғлиқ бўлиб, бу назария ўз таъсирини материя, ҳаракат, макон, замонда борлиқнинг барча турларига ёйди. Механицизм ўз даврида фан ва фалсафанинг ривожига ижобий туртки берган бўлса-да, электромогнит, кимёвий, биологик, ижтимоий ҳаракат шаклларини илмий ўрганишда бу таълимот самара бермади. Механицизм XIX—XX асрлардаги илмий инқилоблар давригача ўз аҳамиятини йўқотмаган.