Государственный стандарт узбекистана

4.2.2 Раҳбарият вакили
Юқори раҳбарият тегишли малака ва лаёқатлилик даражасига эга бўлган, бошқа мажбуриятларга боғлиқ бўлмаган ҳолда жавобгар бўлган ва қуйидагиларга татбиқ қилинадиган ваколатга эга бўлган ташкилот раҳбарияти таркибидан вакилни (вакилларни) тайинлаши керак:
а) ушбу стандарт талабларига мувофиқ энергетик менежмент тизимини ишлаб чиқиш, жорий этиш, ишчи ҳолатда сақлаш ва доимо яхшилашни таъминлашга;
b) энергетик менежмент доирасида бажариладиган чора-тадбирларни амалга оширишни таъминлаш учун раҳбарият вакили билан ишлашга раҳбарлар томонидан ваколатланган тегишли даражадаги ходимлар таркибини аниқлашга;
c) энергетик натижавийлик тўғрисида юқори раҳбариятга ҳисоботларни тақдим қилишга;
d) энергетик менежмент тизимининг ишлаши тўғрисида юқори раҳбариятга ҳисоботлар тақдим қилишга;
e) ташкилотнинг энергетик сиёсатини амалга ошириш учун энергетик менежмент соҳасида чора-тадбирларни режалаштиришни таъминлашга;
f) самарали энергетик менежментни таъминлаш мақсадида мажбуриятлар ва ваколатларни аниқлаш ва уларни ходимларга етказишга;
g) энергетик менежмент тизимини самарали ишлашини ва уни бошқаришни таъминлаш учун зарур бўлган мезонлар ва усулларни аниқлашга;
h) ташкилотнинг барча даражаларида энергетик сиёсат ва энергетик мақсадларни тушунишни татбиқ этишга кўмаклашишга.


4.3 Энергетик сиёсат
Энергетик сиёсатда ташкилотнинг энергетик натижавийлигини яхшилашга эришиш бўйича мажбуриятлари тўғрисида баёнот бўлиши керак. Юқори раҳбарият энергетик сиёсатни аниқ ифодалаши ва қуйидагиларни таъминлаши керак:
а) ташкилот томонидан энергиядан фойдаланиш ва уни истеъмол қилиш характери ва кўламига мувофиқ бўлишини;
b) энергетик натижавийликни доимо яхшилаш бўйича мажбуриятларни ўз ичига олишни;
c) қўйилган мақсадлар ва вазифаларга эришиш учун ахборотлар ва зарур ресурсларнинг мавжудлигини таъминлаш бўйича мажбуриятларни ўз ичига олишни;
d) ташкилотнинг фаолиятига қўлланиладиган, ташкилот энергиядан фойдаланиш, истеъмол қилиш ва унинг унумдорлигини (энергия бўйича фик) таъминлашга нисбатан бажаришни зиммасига олган қонунчилик талаблари ва бошқа талабларга ташкилотнинг мувофиқлиги тегишли бўлган мажбуриятни ўз ичига олишни;
e) энергетика соҳасида мақсадлар ва вазифаларни қўйтш ва уларни таҳлил қилиш учун асосларни яратишни;
f) энергетик самарадор маҳсулотлар ва хизматларни сотиб олишни амалга ошириш ва энергетик натижавийликни яхшилашга йўналтирилган лойиҳаларни ишлаб чиқишга кўмаклашишни;
g) алоҳида ҳужжат билан расмийлаштирилиши ва ташкилотнинг барча даражаларида ходимларнинг хабардор қилинишини;
h) доимий асосда таҳлил қилиниши ва зарур бўлганда долзарблаштирилишини.