Государственный стандарт узбекистана

3.18 энергиядан фойдаланиш: Энергияни қўллаш усули ёки тури.
Мисол. Вентиляция, ёритиш, иситиш, совутиш, транспортда ташиш, жараёнлар, ишлаб чиқариш линиялари.
3.19 манфаатдор томон: Энергетик натижавийликда манфаатдор бўлган, ёки ташкилотнинг энергетик натижавийлиги таъсир қилиши мумкин бўлган шахс ёки шахслар гуруҳи.
3.20 ички аудит: Аудит гувоҳномаларини олишнинг ва белгиланган талабларни бажариш даражасини аниқлаш учун уларни объектив баҳолашнинг тизимли, мустақил ва ҳужжатлаштирилган жараёни.
Изоҳ – Батафсилроқ маълумот олиш учун А иловага қаранг.
3.21 номувофиқлик: Талабнинг бажарилмаганлиги [O’Z DST ISO 9000:2005, 3.6.2 таъриф].
3.22 ташкилот: Ўз функцияларини бажарувчи ва мажбуриятига энергиядан ўзи фойдаланиши ва истеъмол қилишини текшируви ва бошқарувини таъминлаш кирадиган, ўзининг маъмурий аппаратига эга бўлган, расмий таъсис этилган ёки йўқ, давлат ёки хусусий компания, корпорация, фирма, корхона, ҳукумат органи ёки муассаса ёки уларнинг қисми, ё қисмларининг бирикмаси.
Изоҳ – Ташкилот шахс ёки шахслар гуруҳи бўлиши мумкин.
3.23 олдини олиш ҳаракати: Юзага чиқиши мумкин бўлган номувофиқлик (3.21) сабабини бартараф этишга қаратилган ҳаракат.
Изоҳлар
1 Юзага чиқиши мумкин бўлган номувофиқликнинг бир неча сабаблари бўлиши мумкин.
2 Олдини олиш ҳаракати номувофиқликнинг содир бўлишига йўл қўймаслик учун, тузатиш ҳаракати эса бу номувофиқликнинг такрорланишига йўл қўймаслик мақсадида бажарилади.
3 O’Z DST ISO 9000:2005 стандартида келтирилган таърифдан фойдаланилган, 3.6.4 таъриф.
3.24 тартиб-таомил: Фаолият ёки жараённи амалга оширишнинг белгиланган усули.
Изоҳлар
1 Тартиб-таомиллар ҳужжатлаштирилган ёки ҳужжатлаштирилмаган бўлиши мумкин.
2 Агар тартиб-таомил ҳужжатлаштирилган бўлса, кўпинча «ёзма тартиб-таомил» ёки «ҳужжатлаштирилган тартиб-таомил» атамаларидан фойдаланилади.
3 O’Z DST ISO 9000:2005 стандартида келтирилган таърифдан фойдаланилган, 3.4.5 таъриф.
3.25 ёзув: Эришилган натижаларни ёки фаолиятнинг амалга оширилганлиги тўғрисидаги далилларни ўз ичига олган ҳужжат.
Изоҳлар
1 Ёзувлар, масалан, кузатувчанликни ва верификатлаш гувоҳномасини тақдим қилишни, олдини олиш ва тузатиш ҳаракатларини ҳужжатлаштиришда фойдаланилиши мумкин.
2 O’Z DST ISO 9000:2005 стандартида келтирилган таърифдан фойдаланилган, 3.7.6 таъриф.